TAWARIKH 2 31:8 - Alkitab Singog In Mongondow Masa In Tanaa

⁸ Nokoontongmai kon oogoi inta námai tua in kobayong, ki Datu Hizkia bo pogawainea mita nodayow kon i Tuhan bo nomuji kon rayat in Israel, umat-Nea.

TAWARIKH 2 31:8 Referans Kwoze

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

PETRUS 1 1:3

Koḻigaidon in kita mosukur kon i Allah, ki Amá i Tuhan naton ki Yesus Kristus! Sia in totok motabi kon i naton, manangka intua kita in inogoian-Nea in kobiagan mobagu inta pinodoyon kon kinobiagan bui i Yesus Kristus nongkon kinopatoian. Naabí in mobogoi in harapan moroton kon i naton.

TESALONIKA 1 3:9

Diádon in poporupaan in sukur nami kon i Allah sin bayongan inta mokosanang kon gina kon tayowon-Nea, lantaran moiko.

PILIPI 4:19

Ki Allah inta sinumbaku, mobogoibí in bayongan kaparaḷuanmu podudui in kaoyúonan bo kamuliaan-Nea inta pinoniata kon i Kristus Yesus.

PILIPI 4:10

Kon kobiagan inta notobatúdon i Tuhan, moḷunganga totok in ginaku, sin umpakabí noonggotdon, táe umuranpabí norai kon kaadaanku. Makusudku in deemanbí kon kinoḻiongandon monimu in akuoi; umuranpabí doman kinotoropan monimu, táe diádon in wakutu monimu mopoontong intua.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

MAZMUR 144:15

Pia in kamang in bangusa inta natua, pia in kamang in umat inta ki Allahnea in ki Tuhan!

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

TAWARIKH 2 6:3

Nopaḷut mako nosambayang, ki datu in inimindoidon kon bayongan in rayat inta sinimindog mako kon tua, bo pinoigumannea kon barakat i Allah in mosia.

DATU MITA IMITÁNEA 8:55

bo takin singog noropot nopoigum kon barakat i Allah kon kopontingan in bayongan intau inta noyosipun kon tua, gumannea,

SAMUEL 2 6:18

Bo sia in nomarakat kon rayat in Israel pinodoyon kon tangoi i Tuhan Inta Totok in Mokawasa.

HAKIM MITA 5:9

Kon panglima mita in Israel inta namangoi takin ibog tontaní, poyaputku in tosingogon ponghargaan moḷoben kon i monia. Dinayo-dayowdon in ki Tuhan!

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

TAWARIKH 2 31:7

Oogoi mita tatua diniadon mangoi nongkon buḷan intoḷunea, nodapot in buḷan impitunea.

TAWARIKH 2 31:9

Kon dodai in ki datu noyosingog in imang bo intau in Lewi soaḷ oogoi mita tatua,

MAZMUR 33:12

Pia in kamang in bangusa inta nongaku kon ki Tuhan in ki Allahnea, pia in kamang in umat inta piniḻí-Nea nobaḻí kapunyaan-Nea!

TAWARIKH 1 29:9

Rayat in nobogoibí takin pia in gina kon i Tuhan bo noḷunganga in gina sin nobayongdon in pinosumba monia. Nosanang domandon totok in gina i Datu Daud.