TAWARIKH 2 30:18 - Alkitab Singog In Mongondow Masa In Tanaa

¹⁸ Koḻikud intua, kon sigad in intau mita in Epraim, Manasye, Isakhar, bo Zebulon, nobayong in namangoi táe diá muna nopotusi in awak. Dá, mosia in norame kon Paska tatua takin diá dinumudui kon sarat. Tuamai in ki Datu Hizkia in nosambayang sin kopontingan monia, kainia,

TAWARIKH 2 30:18 Referans Kwoze

KORINTUS 1 11:28

Manangka intua intau in mustipabí muna momirikisa kon awaknea bain tua bo motaau mokaan kon roti bo monginum kon anggur tatua.

DANIEL 9:19

Tuhan, indongogaipa kaasí in kami, ampungaidon in kami, indoiaipa in kami bo ḷagidon posaḷamat! Dikabí mokopoonggot, sinbá bayongan in intau monotaau kon Ikobí in ki Allah. Sin Yerusalem bo umat-Mu in kapunyaan-Mubí inta ain sinondí.”

MAZMUR 25:8

Sin ki Tuhan tua in mopia bo moadil, Sia in motundú kon daḷan kon i monia inta noiḷaḻe.

TAWARIKH 2 30:25

Rayat in Yohuda, imang mita, intau mita in Lewi, bo intau mita inta namangoi nongkon utuan, bo intau mita ango-angoi inta ain nogutun notantú kon Israel bo Yohuda, komintandon noḷunganga in gina.

TAWARIKH 2 30:11

Táe, oyúon doman in intau mita nongkon suku i Asyer, i Manasye bo i Zebulon in noibog namangoi in Yerusalem.

PINOGIAPAN 19:20

Intau inta nonajisdon bo diá nomia kon upacara ponusian kon awak, umuranpabí nonajis sin diápa binutakan in tubig upacara. Sia noponajis in Ḷoḷaigan i Tuhan, bo diádon pinoyoiap anggota in umat i Allah.

KINOBAḺIAN 20:7

Táe tanaa, pobuidon in sia kon i buḷoinea. Ki buḷoinea in tobatúbí nabi, bo sambayangannea in iko sinbá diá matoi. Táe aka diá pobuimu in sia, yo pokotaaudon, iko bo bayongan rayatmu in matoi!”

YOHANES 1 5:16

Aka moiko bo mokoontong kon tobatú intau inta tumpaḷa Keresten nogaid kon dosa inta diá mokopopisí kon intau tatua kobuḻiandon in kobiagan inta mopia bo mononoi, yo moiko in musti mosambayang kon i Allah; bo ki Allah in mobogoibí in kobiagan tatua kon inia. Naa in tongábí kon i monia inta nogaid kon dosa inta diá mokopopisí kon i monia kobuḻian in kobiagan tatua. Táe oyúon in dosa inta mokopopisí kon intau kobuḻian in kobiagan tatua. Aka kon soaḷ tanaa yo akuoi in diábí moguman kon i monimu kon moiko in musti mosambayang kon i Allah.

MAZMUR 119:68

Sin Iko in mopia bo nopoaid in mopia, tundúai in akuoi in atorang-Mu mita.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

KINOBAḺIAN 20:17

Binaḻí komintan i Tuhan bantó in bayongan bobay kon komaḻig i Abimelek pinopisí inta nobaḻí tatua kon i Sara, ki buḷoi i Abraham tatua. Bo ki Abraham in nosambayang kon i Allah, bo ki Allah nongundam bui kon i Abimelek, ki buḷoinea bo bobantungnea mita bobay, dá bobay mita tatua buidon nononggadí.

MAZMUR 36:5

Kon tosiugan sia in monomayábí mako kon moraat; aidnea diábí in mopia, inta moraat diábí in inindoínea.

TAWARIKH 2 34:9

Intau mita in Lewi inta noḷukad kon ngara in Baḷoi Tuhan, nobogoi kon i Imang Moḷoben ki Hilkia, in doit inta ain sinipun monia. Doit tatua in nongkon intau in Epraim bo Manasye, bo nongkon rayat ibanea kon Dodatuan in Utuan, bo nongkon rayat in Yohuda, Benyamin bo Yerusalem.

IMAMAT 10:20

Nosanang in gina i Musa nokodongog kon tubag tatua.

PINOGIAPAN 9:7

bo noguman, “Kami naa in nonajis sin ain nokadai kon intau minatoi. Táe nongonu sin kami in diábí ogoi moposumba in kuruban kon i Tuhan moyotakin in utat mita nami?”

DATU MITA 2 5:18

Aka pakisadon in akuoi mayá moyotakin i datu sin mosambayang kon kuil i Rimon dewa in Siria, yo poigumon mako ampungan i Tuhan in akuoi.”