TAWARIKH 2 30:11 - Alkitab Singog In Mongondow Masa In Tanaa

¹¹ Táe, oyúon doman in intau mita nongkon suku i Asyer, i Manasye bo i Zebulon in noibog namangoi in Yerusalem.

TAWARIKH 2 30:11 Referans Kwoze

TAWARIKH 2 30:21

Pitu nosinggai in koonggotnea, takin noḷunganga totok in gina intau mita tatua in noyosipun kon Yerusalem tatua nogaid kon pinoramean kon Roti Diá Iragian. Pomuḷoi in singgai intau mita in Lewi bo imang mita modayow kon i Tuhan takin ḻimbatú in gina.

TAWARIKH 2 30:18

Koḻikud intua, kon sigad in intau mita in Epraim, Manasye, Isakhar, bo Zebulon, nobayong in namangoi táe diá muna nopotusi in awak. Dá, mosia in norame kon Paska tatua takin diá dinumudui kon sarat. Tuamai in ki Datu Hizkia in nosambayang sin kopontingan monia, kainia,

TAWARIKH 2 30:25

Rayat in Yohuda, imang mita, intau mita in Lewi, bo intau mita inta namangoi nongkon utuan, bo intau mita ango-angoi inta ain nogutun notantú kon Israel bo Yohuda, komintandon noḷunganga in gina.

PETRUS 1 5:6

Manangka intua kodu-koduduidon in moiko kon kawasa i Allah inta moropot, sinbá poḷantudon-Nea in moiko aka wakutuneadon.

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

OUMAN IN RASUL MITA 17:34

Táe oyúon kon sigad monia tua in dinumudui kon i Paulus bo nopirisaya kon i Yesus. Mosia tua in ki Dionisius tobatú anggota in majelis Areopagus, bo ki Damaris, tobatú bobay kon tua takin tongonumai doman intau ibanea.

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

DANIEL 5:22

Táe ki adínea ḷoḷaki, inta ki Tuangku tontaní, in doí tumonsiup, umpaka kinotaauandon i Tuangku in tua komintan.

TAWARIKH 2 34:27

iko in nomanasaḷ bo sinumonsiup kon tayowon-Ku. Akuoi in nogumandon kon Yerusalem bo intau mita inta nogutun kon tua, táe naonda in iko nokodongog kon onu inta pinotaau-Ku tatua nongombaḷ in iko bo nomerak kon ḷambungmu nobaḻí tomponuot kon morobonoḷ in dodobmu. Dinongog-Kudon in sambayangmu,

TAWARIKH 2 33:23

Táe noyoposi i amánea, ki Amon in diábí sinumonsiup bo diá doman nobui mangoi kon i Tuhan; nodapotbí in sia in binara-baradosa nongkon i amánea.

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

TAWARIKH 2 33:12

Kon bonu in roriganea tatua sinumonsiup in sia kon i Tuhan Allahnea, bo nosambayang nopoigum in totuḷung-Nea.

TAWARIKH 2 12:12

Popisí in datu sinumonsiupdon kon tayowon i Tuhan, bo popisí doman in oyúonpa in aid inta mopia kon Yohuda dá noonowdon in torú i Tuhan kon i Rehabeam bo diábí iyopúnea kinodait.

TAWARIKH 2 11:16

Intau mita nongkon bayongan in suku Israel inta totu-totuudon moibog mosumba kon i Tuhan, Allah in Israel, nomamping kon Yerusalem, dinumudui kon intau mita in Lewi tatua sinbá motaau moposumba in kuruban kon i Tuhan, Allah inta sinumba in mogoguyang monia.

IMAMAT 26:41

dá iḷawang-Ku domandon in mosia bo inuntun-Ku pinobayá in tampat pinoḷumbúan kon butá in musung mita monia. Pangabisannea, aka buímu mita moitungkudon bo dinumuduidon kon hukuman popisí in dosa bo pinomarontakan monia,

IḶUAIAN 10:3

Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

TAWARIKH 1 9:3

Tongosilai nongkon suku in Yohuda, Benyamin, Epraim bo Manasye in nobui bo nogutun kon Yerusalem.