TAWARIKH 2 3:7 - Alkitab Singog In Mongondow Masa In Tanaa

⁷ Sia in nopogaip doman in buḷawan tatua kon dinding mita in Baḷoi Tuhan tatua, saḷabakunea mita, ngara mita in ḷoḻingkop bo ḷoḻingkopnea mita. Dindingnea mita in kinurigan gambar in kerub.

TAWARIKH 2 3:7 Referans Kwoze

YEHEZKIEL 7:20

Dungkuḷmai mopia in gina monia kon permata monia inta mongogaga, táe popisí in pinakédon monia nomia kon berhala mita inta mokorongó, dá binaḻí i Tuhan in kapunyaan monia nobaḻí inta mokokoningkim.

IḶUAIAN 26:29

Tombaḷoi in Ḷoḷaigan bo kayu mita bandainea tatua musti oḻitan in buḷawan. Ḻingkit mita inta ponahang kon kayu mita tatua musti pomiaan nongkon buḷawan.

IḶUAIAN 26:1

“Pomiadon kon ḷoḷaigan Kon sigad in ḷoḷaigan mopuḷú tatua pomia doman kon i-Nakó in ḷoḷaigan inta nongkon kaeng linen moaḷus tatua, sujion takin kaeng wol nobidu, nokamumu bo nopura. Poposuji doman moyotakin in gambar in kerub.

TAWARIKH 2 3:6

Ki datu noḷambá kon baḷoi tatua takin nomaké in batu permata inta mongopia bo buḷawan inta pinongoyow nongkon butá in Parwaim.