TAWARIKH 2 28:22 - Alkitab Singog In Mongondow Masa In Tanaa

²² Kon bonu in kaadaan inta totok in mororiga tatua, nodugangdon in dosa i Ahas kon i Tuhan.

TAWARIKH 2 28:22 Referans Kwoze

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”

YEHEZKIEL 21:13

sin koyogot-Ku tungkuḷan in umat-Ku, aka doí in mosia monompia kon dodianea, yo tua mita in mobaḻíbí kon i monia.’

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

ESTER 7:6

Ki Ester in notubag, “Ki Haman inta moraat tanaa in musung bo inta momogutú kon inami!” Takin noondok totok ki Haman inimindoi kon i datu bo kon i bokí.

TAWARIKH 2 33:12

Kon bonu in roriganea tatua sinumonsiup in sia kon i Tuhan Allahnea, bo nosambayang nopoigum in totuḷung-Nea.

DATU MITA IMITÁNEA 13:33

Ki Datu Yerobeam in umuranbí doí monaḷámai kon oaidnea inta moraat. Bo noduí in sia kon imang mita nongkon motoḷuadí mita biasa sin monompia kon tampat mita pooibadaan inta ain pinosindognea. Ki inekabí in moibog, yo baḻíonneabí imang.