TAWARIKH 2 27:1 - Alkitab Singog In Mongondow Masa In Tanaa

¹ Ki Yotam in nobaḻí datu kon dodai in umur doyowa nopuḷú bo ḻima notaong, bo sia in nomarenta kon Yerusalem mopuḷú bo onom notaong in koonggotnea. Ki inánea in ki Yerusa ki adí i Zadok.

TAWARIKH 2 27:1 Referans Kwoze

MIKHA 1:1

Ki Mikha nongkon kotá mointok tobatú tangoinea in Moresyet. Kon tungkuḷ in butá in Yohuda pinarenta noyodudu-duduimai i Datu Yotam, i Ahas bo i Hizkia, ki Mikha in notarima kon koyow i Tuhan soaḷ Samaria bo Yerusalem.

HOSEA 1:1

Naa in koyow inta inogoi i Tuhan kon i Hosea ki adí i Beeri kon tungkuḷ in dodatuan in Yohuda noyo-noyodudui in pinarenta i Datu Uzia, i Yotam, i Ahas, bo Hizkia, bo dodatuan in Israel in pinarenta i Yerobeam ki adí i Yoas.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

TAWARIKH 2 27:8

Ki Yotam in umur doyowa nopuḷú boḻima notaong kon dodai in sia nobaḻí datu, bo nomarenta kon Yerusalem mopuḷú bo onom notaong in koonggotnea.

TAWARIKH 2 26:21

Nodapot in ki Datu Uzia minatoi takitnea tatua in diábí nopia-pia. Pinopoutundon in sia kon baḷoi tobatú bo diádon inogoi tumuot kon Baḷoi Tuhan. Iḷuatandon in sia nongkon oaidannea mita, bo ki Yotam ki adínea ḷoḷaki in nomarenta kon rayat nobaḻí oḻitnea.

TAWARIKH 2 26:23

Kon dodai in minatoi, ki Uzia in iḷobong kon butá kon diug in poḷoḷobongan kon datu mita, táe deemanbí kon poḷoḷobongan tatua, sin sia in pinanyaki kuḻit inta mokoondok. Ki Yotam ki adínea ḷoḷaki in nobaḻí datu nomaḷui kon inia.