TAWARIKH 2 26:5 - Alkitab Singog In Mongondow Masa In Tanaa

⁵ Ki Zakharia in mononongginanea. Kon bonu in ki Zakharia nobiagpa, ki Uzia in umuranbí nosatia in noibada kon i Tuhan dá binarakatan i Tuhan in sia.

TAWARIKH 2 26:5 Referans Kwoze

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 2 24:2

Kon tungkuḷ in ki Imang Yoyada nobiagpa, ki Yoas in nogaid kon onu inta mokosanang kon gina i Tuhan.

TAWARIKH 1 22:13

Aka iko dumudui kon bayongan in hukum inta inogoi Tuhan kon i Musa kon bangusa in Israel, yo iko in mokodapotbí kon onu inta nobaḻí niat. Iko in mustibí moyakin bo mobarani. Dika moondok in moyogintayow in onukabí.

DANIEL 5:16

Bo bagu dinongogku kon iko in mokobukat kon bayongan inta noibuni bo mokopotaau doman kon onu inta mororiga mita raion. Aka iko mokobaca kon pais tanaa poḷat mokopotaau kon mangaḻenea kon inakó, yo iko in ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua iko in baḻíonku mongongawasa nogintoḷu kon bonu in dodatuanku.”

DANIEL 10:1

Kon taong intoḷunea kon pinomarentaan i Datu Koresh kon Persia, koyow tobatú pinoniata kon i Daniel inta dinonoi doman ki Beltsazar. Koyow tatua in totuubí, táe mororiga totok komangaḻean. Kon dodai in moḷongasi momangaḻe kon tua ki Daniel in notarima kon insilang soaḷ mangaḻe in koyow tatua kon bonu in tobatú oontongon.

DANIEL 2:19

Kon doḷom doman tatua ki Allah in nopotaau kon onu in togoindop i datu tatua kon i Daniel kon bonu in oontongon tobatú. Dá ki Daniel nodayow kon i Allah kon soroga,

DANIEL 1:17

Ki Allah in nobogoi kon inaya opat in hikmat bo kototaau kon noyagi-yagimai in pais. Koḻikud intua ki Daniel inogoian doman in pandoi moginsilang kon mangaḻe in oontongon bo togoindop.

TAWARIKH 2 25:8

Táe aka ki Tuang momaké doman kon i monia, ki Allah in mopomayábí mako kon i Tuang taḷowon in musung umpakabí tontara i Tuang moropot bo mobarani. Sin tongábí ki Allah in kokawasa mobogoi in kauntungan andeka kotungkudan.”

KINOBAḺIAN 41:15

Ki datu noguman kon inia, “Akuoi ain sinumogoindop, bo diá tobatúmai intau mokopoguman kon mangaḻenea. Bo oyúon in nopotaau kon inakó kon iko in motaau mopoguman kon inakó in mangaḻe in togoindopku tatua.”

HOSEA 6:4

Táe ki Tuhan in noguman, “Ei Israel bo Yohuda! Onu in musti aidan-Ku kon i monimu? Tabimu kon i-Nakó in motoyongbí moinggamá naonda bo topuot andeka oḷú doḷo-doḷom.

TAWARIKH 1 22:11

Bo ki Daud in noguman bui, “Tanaa, adíku, igumon mako ki Tuhan Allahmu tantú motuḷung kon inimu. Bo igumon mako mokotongod in iko moposindog in baḷoi kon i Tuhan ná inta ain pinodandi-Nea.

HAKIM MITA 2:7

Kon tungkuḷ in ki Yosua nobiagpa, intau in Israel nogundoi kon i Tuhan. Naonda in ki Yosua minatoidon mosia in umuranpabí doman nogundoi kon i Tuhan kon dodai in umuranpa oyúon in itoi mita monia inta nokoontong tontaní kon bayongan inta mokoherang inta pinomia i Tuhan sin motuḷung kon intau in Israel.

KINOBAḺIAN 41:38

Bo ki datu in noguman kon i monia, “Diá bidon kita mokouḻí kon intau ibanea inta ná ki Yusup naa, sin sia kinawasa in Roho i Allah.”

OUMAN IN RASUL MITA 20:30

Modapot in oyúon doman in intau mita kon sigad monimu in mobaḻí mopopotaau in habar inta diá totuu. Mosia in mogaid kon natua sinbá intau mita inta ain nopirisaya kon i Yesus in moiḷaḻe bo dumudui kon i monia.

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

DATU MITA 2 15:34

Ki Yotam in nogaid kon inta mokosanang kon gina i Tuhan, naonda bo ki Uzia ki amánea.

TAWARIKH 2 26:4

Ná doman ki amánea, ki Uzia in nogaid doman kon inta mokosanang kon gina i Tuhan.

TAWARIKH 2 27:6

Kodugang-kodugang in kawasa i Yotam sin mosatia in sia bo motoindudui kon i Tuhan Allahnea.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.

TAWARIKH 2 14:6

dá notaaudon in sia noposindog poḷoḷukadan mita kon kotá mita in Yohuda. Tongonumai notaong diábí in parang sin ki Tuhan in nobogoi in kaadaan noonow kon inia.

TAWARIKH 2 29:1

Ki Hizkia nobaḻí datu in Yohuda kon dodai in umur 25 notaong, bo nomarenta in sia kon Yerusalem 29 notaong in koonggotnea. Ki inánea in ki Abia ki adí i Zakharia.

TAWARIKH 2 32:30

Ki Datu Hizkia tuata inta nodimpot kon bokaká in tubig in Gihon, bo pinobayá pinongin daḷan in tubig kon ḻimonag in butá pinobayá in kotá in Yerusalem. Bayongan inta inaidan i Hizkia noḷapatbí.