TAWARIKH 2 25:11 - Alkitab Singog In Mongondow Masa In Tanaa

¹¹ Ki Amazia in nokopobarani bo nodia kon tontaranea minayá in Ḷopá in Asin. Kon tua in mosia noparang poḷat noḻimod kon 10.000 in tontara in Edom.

TAWARIKH 2 25:11 Referans Kwoze

DATU MITA 2 14:7

Kon pinoparangan tobatú, ki Amazia in noḻimod kon 10.000 in tontara in Edom kon Ḷopá in Asin, bo nogagow kon kotá in Sela. Kotá tatua in sinangoiannea Yokteel. Dapot in tanaa mako kotá tatua in umuranpabí doman Yokteel in tangoinea.

MAZMUR 60:1

Kon i itoi in mododondong. Podudui in dondong: Bungang bakung kosakusian. Mazmur topotundú nongkon i Daud,

SAMUEL 2 8:13

Tangoi i Daud nodungangdon ponango-nangoian kon dodai in sia nobui naonda in noḻimod kon 18.000 in intau in Edom kon Ḷopá in Asin.

TAWARIKH 2 25:10

Tuamai in ki Amazia nopoḷuatdon kon tontara mita inta sinondanan tatua bo nopotabá kon i monia nobui kon butá monia. Mosia in nobuidon doman, táe sinumorú totok.

TAWARIKH 2 25:12

Mopuḷú noribu in intau ibanea in dinakop. Mosia in dinia kon tudu totok in buḷud batu kon kotá in Sela bodongka pinogambat monag dá minatoi.

TAWARIKH 2 25:15

Aidnea tatua nokopomuká kon torú i Tuhan. Nopotabá in Sia kon nabi tobatú minayá kon i Amazia. Nabi tatua in noguman, “Nongonu sin ki Tuang in nosumbabí kon dewa in bangusa ibanea inta diábí mokoposaḷamat kon bangusanea tontaní nongkon kawasa i Tuang?”

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’