TAWARIKH 2 24:27 - Alkitab Singog In Mongondow Masa In Tanaa

²⁷ Ouman in soaḷ ki adí mita i Yoas bo soaḷ toḻindap mita inta diá mopia soaḷ sia, bo naonda in sia nonompia kon Baḷoi Tuhan, tua komintan in pinaisdon kon bonu in buk Pinoginsilangan kon Buk in Datu mita. Ki Amazia, ki adí ḷoḷaki i Yoas, nobaḻí datu nonoḻiu kon i amánea.

TAWARIKH 2 24:27 Referans Kwoze

TAWARIKH 2 25:1

Ki Amazia nobaḻí datu kon dodai in umur doyowa nopuḷú bo ḻima notaong, bo sia in nomarenta kon Yerusalem doyowa nopuḷú bo siow notaong in koonggotnea. Ki inánea in ki Yoadan nongkon Yerusalem.

TAWARIKH 2 24:12

Onda intua ki datu bo ki Yoyada nobogoi in doit tatua kon intau mita inta nobaḻí tongguḷu kon ponompiaan kon Baḷoi Tuhan tatua. Bo intau mita tatua nonondan kon intau mita inta mogogaid kon pondasi, mogogimok kon kayu bo inta momia kon logam sin mogaid kon oaidan tatua.

TAWARIKH 2 20:34

Ouman ibanea kon i Yosapat, nongkon pinomangkoian nodapot in buit in pinomarentaannea in pinais kon bonu in Ouman i Yehu adí i Hanani, inta pinais kon bonu in buk Ouman in datu mita in Israel.

TAWARIKH 2 16:11

Bayongan inta nobaḻí kon pinomarentaan i Asa nongkon pinomangkoian nodapot in imbuitnea ain pinais kon bonu in buk Ouman in datu mita in Yohuda bo Israel.

TAWARIKH 2 13:22

Ouman ibanea kon i Abia, bo bayongan in tosingogon takin oaidnea in pinaisdon kon bonu in buk Ouman i Nabi Ido.

TAWARIKH 2 9:29

Ouman ibanea kon i Salomo nongkon pinomangkoian nodapot in imbuitnea in pinaisdon kon bonu in buk Ouman kinobiagan i Nabi Natan bo kon bonu in buk Pinopotaauan muna i Nabi Ahia intau in Silo, bo kon bonu in buk Wahyu i Nabi Ido, inta nomais doman kon ouman pinomarentaan i Yerobeam datu in Israel.

DATU MITA 2 12:18

Dá ki Yoas in nokidia in doit potobut kon inia. Doit tatua in nouḻínea nongkon bayongan in sosumba inta koḻipod ain inogoi i Yoas tontaní kon i Tuhan bo i Yosapat, i Yoram bo i Ahazia, datu mita inta nomarenta noiuna kon inia. Bo nongkon bayongan doman buḷawan kon bonu in kas in Baḷoi Tuhan bo komaḻig in datu. Dá diá notuoi nonubu in ki Hazael kon Yerusalem.

TAWARIKH 2 24:26

Intau mita inta noyopopog moḷawang kon inia in ki Zabad ki adí i Simeat bobay in Amon, bo ki Yozabad ki adí i Simrit bobay in Moab.)