TAWARIKH 2 24:25 - Alkitab Singog In Mongondow Masa In Tanaa

²⁵ Ki Yoas in pinaḻían nodaḷom. Naonda in minayá mako in tontara in musung, pogawainea taya dua in noyopopog. Mosia in noḻimod kon inia kon tosiugannea nobaḻí tontuḻí in pinoḻimodan kon i adí i Imang Yoyada. Ki Datu Yoas in iḷobong kon Kotá i Daud, táe deemanbí kon poḷoḷobongan in datu mita. (

TAWARIKH 2 24:25 Referans Kwoze

TAWARIKH 2 28:27

Ki Ahas in minatoi; bo iḷobong kon Yerusalem, táe deemanbí kon poḷoḷobongan in datu mita. Ki Hizkia ki adínea ḷoḷaki in nobaḻí datu nomaḷui kon inia.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

TAWARIKH 2 24:16

Iḷobong in sia kon poḷoḷobongan kon datu mita kon Kotá i Daud sin mohoromat kon onu mita inta ain inaidannea kon i Allah, kon Baḷoi Tuhan bo kon umat in Israel.

TAWARIKH 2 22:6

bo nobui in sia kon kotá in Yizreel sin undaman, bo ki Ahazia in minayá noḷongow kon inia kon tua.

TAWARIKH 2 21:16

Kon dodai intua oyúon in intau in Pilistin bo intau in Arab inta nogutun kon diug in pogogutunan in intau in Sudan kon diug in pintad. Ki Tuhan in nopogonú kon gina in intau mita tatua sin monubu kon i Yehoram.

TAWARIKH 2 24:26

Intau mita inta noyopopog moḷawang kon inia in ki Zabad ki adí i Simeat bobay in Amon, bo ki Yozabad ki adí i Simrit bobay in Moab.)

DATU MITA IMITÁNEA 15:27

Ki Baesa adí i Ahia, nongkon suku in Isakhar noyopopog noḷawang kon i Nadab, bo noḻimod kon inia. Kon dodai intua ki Nadab bo tontaranea mita noḻipungdon kon kotá in Gibeton kon butá in Pilistin.

TAWARIKH 2 22:9

Onda intua nopotabá in sia kon intau notayak kon i Ahazia inta kon dodai intua nogadop kon Samaria. Naonda in nouḻídon in ki Ahazia, dinia in sia kon i Yehu bo iḻimod. Umpaka natua táe iḷobongbí doman monia in sia sin mohoromat in mosia kon i Datu Yosapat, ki akinea inta nogundoi kon i Tuhan takin ḻimbatú in gina. Nongkon motoḷuadí i Ahazia diábí in mokotongod mogamá kon ḷoḻitúan in pomarentaan.

TAWARIKH 2 25:3

Naonda in nobaḻídon noropot in ḷoḻitúannea, ihukumnea minatoi in pogawai mita inta noḻimod kon i amánea.