TAWARIKH 2 24:17 - Alkitab Singog In Mongondow Masa In Tanaa

¹⁷ Naonda in ki Yoyada minatoi, ki Yoas in dinondouḷugan bo inanutan in itoi mita in Yohuda nodapot in sia diádon nopandungmai kon totundú i Yoyada.

TAWARIKH 2 24:17 Referans Kwoze

ULANGAN 31:27

Kinotaauankubí kon mosia tua in totok motogat in gina bo moibog momarontak. Kon wakutu in akuoi nobiagpa mosia nomarontak kon i Tuhan; yo bambíkabí aka akuoi matoidon!

PETRUS 2 1:15

Dá tantú ramujionku sinbá umpakabí akuoi in diádon, yo umuranpa doman kotoropan monimu in soaḷ mita tatua.

DANIEL 11:32

Dá takin tompobaḻiknea ki datu tatua nodondouḷug kon intau mita inta ain nonaḷámai kon agama monia, sinbá moibog motuḷung kon inia. Táe intau mita inta motoindudui kon i Allah in nobaranibí in noḷawang kon inia.

AMSAL 29:12

Aka mongongawasa mokidongog kon habar uboḷ, pogawainea in mobaḻíbí moraat komintan.

AMSAL 29:5

Ki ine in moduí kon tumpaḷa intau, in motaanbí kon potait kon inia.

AMSAL 26:28

Monguboḷ kon intau notongkaibí in moyaat in gina kon inia. Moburidilá mako mokopoangoi kon bodito.

AMSAL 26:8

Modayow kon intau inta diá in kototaau, naonda bo motogot kon batu korigonon kon popakot.

AMSAL 20:19

Intau inta moibo-ibog mongonguman kon intau ibanea, diábí motaau motagú kon rahasia; dika moyobayat in intau inta moantó in ouman.

TAWARIKH 2 24:16

Iḷobong in sia kon poḷoḷobongan kon datu mita kon Kotá i Daud sin mohoromat kon onu mita inta ain inaidannea kon i Allah, kon Baḷoi Tuhan bo kon umat in Israel.

TAWARIKH 2 24:18

Dá rayat in diádon noibada kon Baḷoi Tuhan, Allah in mogoguyang monia, táe nosumbadon kon berhala bo patong mita i Dewa Asyera. Dosa monia tatua nokopopisídon kon ki Tuhan sinumorú kon Yohuda bo kon Yerusalem.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

HAKIM MITA 8:33

Naonda in ki Gideon minatoi, intau in Israel diádon mosatia kon i Allah. Mosia in nosumbadon kon dewa mita i Baal bo binaḻídon monia in ki dewa Baal-Berit dewa monia.

DATU MITA 2 12:18

Dá ki Yoas in nokidia in doit potobut kon inia. Doit tatua in nouḻínea nongkon bayongan in sosumba inta koḻipod ain inogoi i Yoas tontaní kon i Tuhan bo i Yosapat, i Yoram bo i Ahazia, datu mita inta nomarenta noiuna kon inia. Bo nongkon bayongan doman buḷawan kon bonu in kas in Baḷoi Tuhan bo komaḻig in datu. Dá diá notuoi nonubu in ki Hazael kon Yerusalem.

LUKAS 11:25

Bo sia in minayádon bui. Kinobayáanneamai yo baḷoi tatua in nodaritdon sin ain sinimpatan bo totok doman sinompia kinopira.