TAWARIKH 2 23:14 - Alkitab Singog In Mongondow Masa In Tanaa

¹⁴ Ki Yoyada in diábí nobogoi kon i Atalya tua in ḻimodon kon diugmai in Baḷoi Tuhan, dá noguman in sia kon porwira mita, “Diadon in sia kon ḷuai pongin pipidan in moḷoḷukad, bo ḻimod in ki inekabí in moḷongasi moposaḷamat kon inia.”

TAWARIKH 2 23:14 Referans Kwoze

YEHEZKIEL 9:7

Ki Allah in noguman kon i monia, “Kotoraidon in Baḷoi-Ku tanaa! Puḻingaidon in palasnea mita in mayat mita. Pangkoiaidon!” Dá nomangkoi domandon in mosia noḻimod kon intau mita kon bonu in kotá.

DATU MITA 2 11:15

Diá inogoi i Yoyada in ki Atalya ḻimodon kon diugmai in Baḷoi Tuhan, dá noguman in sia kon porwira mita, “Diadon in sia ḷumuai pongin pipidan in moḷoḷukad bo ḻimod in ki inekabí inta moḷongasi moposaḷamat kon inia.”

DATU MITA 2 10:25

Bo naonda in ki Yehu nopaḷut noposumba in kuruban tatua, iḻumuai in sia bo noguman kon pongawal mita bo porwira mita tatua, “Tuotdon bo ḻimod komintan in mosia. Dikabí pomayá mako in tobatúmai mokoḷagui!” Dá sinumuotdon in mosia takin kokada-kadai in kedang inta irabutdon kon gumánea bo noḻimod kon bayongan in intau kon tua, bodongka pinogambat monia kon ḷuai in mayat mita tatua. Onda intua sinumuot in mosia kon bonu totok in kuil,

IḶUAIAN 21:14

Táe aka intau tatua dinapat in gina butá bo sinumuodbí noḻimod kon intau ibanea, nopaḷut mako kon tua bo noḷagui minayá in mezbah-Ku sinbá mokouḻí kon poniungan, yo intau tatua musti poḷuaion nongkon mezbah tatua bo hukumon matoi.

TAWARIKH 2 23:13

Inontongnea in datu inta mobagu tatua sinimindog kon ngara tumuot kon Baḷoi Tuhan, kon tampat inta pinoduían kon inia, iḻibu in porwira mita bo intau inta mogogirup kon torompet. Bayongan in rayat norogiow nopia-pia in gina poḷat doman nogirup kon torompet, bo intau mita inta mogogogitog in musik kon Baḷoi Tuhan dinumudui doman noginrame kon pinoramean tatua takin nopomaké in pakakat mita in musik monia. Takin sakí in gina ki Atalya nomerak kon ḷambungnea bo nomaḷú, “Bangkang! Bangkang!”

TAWARIKH 2 23:15

Mosia nodomok kon inia, bo dinia kon komaḻig. Kon tua iḻimod in sia kon Bonawang Kabaḷo.