Ki Allah in nonantúdon kon ki Ahazia in matoibí kon dodai in sia mokipodungkuḷ kon i Yoram. Kon pinoyodungkuḷan tatua ki Ahazia bo ki Yoram in sinayowan in intau tobatú inta ki Yehu in tangoinea ki adí i Nimsi, inta ain piniḻí i Tuhan moyompat kon motoḷuadí i Datu Ahab.
Kon pinonubuan tobatú in topaanan in intau in Arab, komintan ki adí ḷoḷaki i Yehoram kinoḻimodan, koḻikudbí in ki Ahazia. Tuamai in intau in Yerusalem noduí kon i Ahazia nobaḻí datu nonoḻiu kon i amánea.
Mosia in nonubu kon Yohuda, bo nogagow kon komaḻig in datu, bo nodia kon bayongan adí bo buḷoi i Yehoram saḷaku intau mita inta dinakop kon parang koḻikudbí in ki Ahazia ki adínea inta muit.
Podudui in tonggina monia, sia in dinumugang kon i Yoram datu in Israel sinbá moparang moḷawang kon i Hazael datu in Siria. Mosia in noparang kon Ramot, butá in Gilead. Ki Yoram in pinaḻían kon pinoparangan tatua,