TAWARIKH 2 21:17 - Alkitab Singog In Mongondow Masa In Tanaa

¹⁷ Mosia in nonubu kon Yohuda, bo nogagow kon komaḻig in datu, bo nodia kon bayongan adí bo buḷoi i Yehoram saḷaku intau mita inta dinakop kon parang koḻikudbí in ki Ahazia ki adínea inta muit.

TAWARIKH 2 21:17 Referans Kwoze

TAWARIKH 2 22:1

Kon pinonubuan tobatú in topaanan in intau in Arab, komintan ki adí ḷoḷaki i Yehoram kinoḻimodan, koḻikudbí in ki Ahazia. Tuamai in intau in Yerusalem noduí kon i Ahazia nobaḻí datu nonoḻiu kon i amánea.

TAWARIKH 2 25:23

Ki Yoas in nodomok kon i Amazia bo dinia kon Yerusalem, bo nogumpag kon dinding in kotá tatua inta degá doyowamai nogatut nometer, pinangkoi nongkon Bonawang in Epraim nodapot in Bonawang Sikunea.

TAWARIKH 2 22:6

bo nobui in sia kon kotá in Yizreel sin undaman, bo ki Ahazia in minayá noḷongow kon inia kon tua.

TAWARIKH 2 24:7

Dumodudui mita i Atalya, bobay moraat tatua, nomoguyaatdon kon Baḷoi Tuhan, bo nobayong in pakakat mita inta ain sinantú kon i Allah in pinaké monia sin mosumba kon i Baal.)

DATU MITA 2 10:13

noyodungkuḷ in sia in tongonumai in ginaḷum motoḷuadí i Ahazia datu in Yohuda. Sia in noḻibó, “Ki ine in moiko?” “Kami naa in ginaḷum motoḷuadí i Ahazia,” tubag monia. “Kami in mayá in Yizreel sin mokipodungkuḷ kon bayongan in motoḷuadí i datu takin adí bo ompu i Bokí Izebel.”

YOËL 3:5

Buḷawan bo saḷaka-Ku in inagowdon monimu, bo kapunyaan-Ku inta koboḻi in dinia monimu pinobayá in kuilmu.

AMOS 1:6

Ki Tuhan in noguman, “Intau in Gaza in nopobui-buimaidon nogaid kon dosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú bo pinotaḷui nobaḻí ata kon intau in Edom.