TAWARIKH 2 20:32 - Alkitab Singog In Mongondow Masa In Tanaa

³² Naonda bo ki Asa ki amánea, ki Yosapat nogaid kon onu inta mopia kon tayowon i Tuhan.

TAWARIKH 2 20:32 Referans Kwoze

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

MAZMUR 18:21

Ki Tuhan in notuḻí kon aidku inta noitutui; binarakatan-Nea in akuoi sin akuoi in diá kotaḷá.

DATU MITA IMITÁNEA 15:11

Ná ki Daud mogoguyangnea, ki Asa nokosanang kon gina i Tuhan.

TAWARIKH 2 20:31

Ki Yosapat in nobaḻí datu in Yohuda kon dodai in umur toḷu nopuḷú bo ḻima notaong, bo nomarenta in sia kon Yerusalem doyowa nopuḷú bo ḻima notaong in koonggotnea. Ki inánea in ki Azuba ki adí i Zilhi.

TAWARIKH 2 20:33

Táe tampat pososumbaan kon berhala diábí irimumudnea. Rayat in diápabí doman takin ḻimbatú in gina in noibada kon i Allah in mogoguyang monia.

TAWARIKH 2 15:17

Umpaka diá komintan tampat pososumbaan kon berhala kon butá tatua irimumud i Asa, táe sia in umuranbí mosatia kon i Tuhan kinoouput in kinobiagannea.