TAWARIKH 2 19:11 - Alkitab Singog In Mongondow Masa In Tanaa

¹¹ Ki Imang Moḷoben ki Amarya inogoianku in kawasa moḷantud kon bayongan in pelekara soaḷ hukum mita in agama. Ki Zebaja ki adí i Ismael, inta ki gubernur in Yohuda, inogoianku in kawasa moḷantud kon bayongan in pelekara ibanea. Intau mita in Lewi in kitogi totaau moḷukad sinbá kaputusan mita in pongadilan in aidan. Duduiai in topotundú mita tanaa bo aidai intua totu-totuu. Igumon mako ki Tuhan kotaki-takin in intau inta moadil!”

TAWARIKH 2 19:11 Referans Kwoze

TAWARIKH 2 19:8

Kon Yerusalem doman, ki Yosapat noduí kon hakim mita nongkon intau mita in Lewi, imang doman mita, bo intau mita inta sinon itoi kon rayat. Mosia in mustibí mopoyotutui in pelekara mita inta ḻimimpat kon Hukum i Tuhan bo pelekara mita ibanea.

TIMOTIUS 2 2:1

Uḻe Timotius adíku! Totabi inta inogoi kon i naton sin notobatúdon i Kristus in kita, baḻí intua dodoyonan inta mokoroton kon inimu.

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

OUMAN IN RASUL MITA 11:24

Ki Barnabas naa in intaubí mopia, inta umuran kinawasa in Roho i Allah bo intau inta totok in mopirisaya kon i Tuhan sahingga moantódon in intau in dinumudui kon i Tuhan.

LUKAS 23:50

Oyúon tobatú intau, ki Yusup in tangoinea. Sia in nongkon kotá in Arimatea kon butá in Yudea. Sia tua in intau mopia bo mobanar inta umuran mogoḷat mako kon wakutu koangoian i Allah momarenta saḷaku Datu. Umpakabí in sia tobatú Mahkama Agama, táe sia naa in diábí nosotuju kon kaputusan bo gogutú in mahkama agama ibanea tua.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

AMSAL 2:20

Tuamai, adíku, duduiaidon in kobobiag in intau mopia, bo kobiagdon podudui in ibog i Allah.

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

MAZMUR 37:23

Ki Tuhan in motundú kon daḷan in intau inta kobobiagnea mokosanang kon i-Nia;

TAWARIKH 2 19:6

bo nobogoi in parenta tanaa kon i monia, “Pokobijaksana, sin moiko in mohakim deemanbí pinodoyon kon tangoi in intau, táe pinodoyonbí kon tangoi Tuhan. Inindoian-Neabí in moiko kon dodai in monantú kon pelekara.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

TAWARIKH 1 26:30

Bayongan in urusan agama bo pomarentaan kon Israel dotá in toyopan kon Ongkag in Yordan in inogoi kon i Hasabya, bo kon 1.700 in ginaḷum motoḷuadínea: komintan intau mita inta nobaḻí tongganut kon buí i Hebron.

TAWARIKH 1 22:19

Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

TAWARIKH 1 22:16

buḷawan, saḷaka, bitú, bo uatoi. Yo, ḷagidon pangkoiai! Igumon mako ki Tuhan motuḷung kon inimu”.

TAWARIKH 1 22:11

Bo ki Daud in noguman bui, “Tanaa, adíku, igumon mako ki Tuhan Allahmu tantú motuḷung kon inimu. Bo igumon mako mokotongod in iko moposindog in baḷoi kon i Tuhan ná inta ain pinodandi-Nea.

TAWARIKH 1 6:11

ki Amarya, ki Ahitub,

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

TAWARIKH 1 26:32

Bayongan in urusan in agama bo pomarentaan kon Israel kon dotá in pomukaan kon Ongkag in Yordan – inta butá in suku Ruben, Gad bo tongosilai in suku Manasye – in inogoi kon 2.700 in itoi in motoḷuadí i Yeria, mosia komintan in intau mita inta nobaḻí tongganut inta piniḻí i Datu Daud.

TAWARIKH 2 15:7

Táe moiko in mustibí mokoporoton kon gina bo mokopobarani. Onu in totayakmu in kodapotanmubí.”

EZRA 7:5

Ki Abisua Ki Pinehas Ki Eleazar Ki Imang Moḷoben ki Harun

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”