TAWARIKH 2 16:7 - Alkitab Singog In Mongondow Masa In Tanaa

⁷ Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

TAWARIKH 2 16:7 Referans Kwoze

TAWARIKH 2 19:2

nabi tobatú inta ki Yehu in tangoinea ki adí i Hanani namangoi kon tayowon i datu. Nabi tatua noguman kon inia, “Degá patus in ki Tuang datu motuḷung kon intau moraat bo momihak kon intau inta mondoí kon i Tuhan? Oaid i Tuang tatua in nokopopisídon ki Tuhan sinumorú kon i Tuang.

DATU MITA IMITÁNEA 16:1

Dá nosingogdon in ki Tuhan kon i Nabi Yehu ki adí i Hanani, kai-Nia, “Poyaputdon kon i Baesa in koyow-Ku tanaa,

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

TAWARIKH 2 20:34

Ouman ibanea kon i Yosapat, nongkon pinomangkoian nodapot in buit in pinomarentaannea in pinais kon bonu in Ouman i Yehu adí i Hanani, inta pinais kon bonu in buk Ouman in datu mita in Israel.

TAWARIKH 2 13:18

Intau in Yohuda nountung, sin mosia in nopongata kon i Tuhan, Allah in mogoguyang monia.

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

DATU MITA 2 18:5

Kon sigad in bayongan datu in Yohuda, pinomayá inta noiuna andeka inta noidudui kon i Hizkia, diábí in ná sia. Sia in mopirisaya kon i Tuhan, Allah in Israel,

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

DATU MITA IMITÁNEA 15:19

“Koḻigai in kita motogot kon yoyobayatan ná inta ain pinomia in guyanga naton. Pinotakin kon naa akuoi in nokidia in buḷawan bo saḷaka nobaḻí tombuinag, bo monongganut kon i Tuang momontowdon kon yoyobayatan takin i Baesa datu in Israel, sinbá buidon gamáannea in tontaranea nongkon butá dodatuan ku.”

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 16:6

Bo ki Datu Asa in nonongganutdon kon intau mita nongkon sinangkub in Yohuda sin mogakut kon batu bo kayu inta pinaké i Baesa kon Rama sin moginropot kon kotá tatua. Pakakat mita tatua in pinaké i Asa moginropot kon kotá in Geba bo Mizpa.

TAWARIKH 2 24:24

Tontara in Siria in tongábí topiḻik, táe pinomayádon mako i Tuhan in mosia nonaḷow kon tontara in Yohuda inta mobaro-barong tua, sin intau in Yohuda diá mopandungmai kon i Tuhan Allah in mogoguyang monia. Natua in pinohohukum i Tuhan kon i Datu Yoas.

YESAYA 39:3

Onda intua ki Nabi Yesaya minayá nokipodungkuḷ kon i Datu Hizkia bo noḻibó, “Nongkon onda in intau mita tatua? Onu in pinoguman monia?” Ki Hizkia in notubag, “Mosia in nongkon Babel, butá moyayú.”

TAWARIKH 2 20:32

Naonda bo ki Asa ki amánea, ki Yosapat nogaid kon onu inta mopia kon tayowon i Tuhan.