TAWARIKH 2 15:8 - Alkitab Singog In Mongondow Masa In Tanaa

⁸ Naonda in kinodongogan i Asa in tosingogon i Azarya ki adí i Oded tua, nomukádon in baraninea. Noḷumbúdon in sia kon bayongan in berhala kon butá in Yohuda bo Benyamin, bo kon kotá mita inta ain sinaḷownea kon Buḷud in Epraim, bo sinompianeadon in Mezbah i Tuhan inta kon palas in Baḷoi Tuhan.

TAWARIKH 2 15:8 Referans Kwoze

TAWARIKH 2 13:19

Kon wakutu in ki Abia nogaḷow kon tontara i Yerobeam, nogagow in sia kon tongonumai in kotá mita bo ḻipú mita kon diugneamai. Kotá mita tatua in Betel, Yesana bo Epron.

TAWARIKH 2 8:12

Ki Salomo in noposumba in kuruban payongon kon i Tuhan kon tudu in mezbah inta pinosindognea kon tayowon in Baḷoi Tuhan.

TAWARIKH 2 4:1

Ki Datu Salomo nokiaid in mezbah tobatú nongkon bitú inta kobanat bo kooḷadnea in tumososiow nometer, bo koḷantudnea in 450 nosenti.

PETRUS 1 4:3

Sin nobayongdon totok in wakutu inta pinaké monimu nogaid kon onu inta kinoibog in intau mita inta diá nonotaau kon i Tuhan. Diá mopia in kobobiag monimu. Moiko in dinumudui kon ibog in awak, monginum dapot in moḷoḷangu, umuran mogaid kon rame inta diá in baragunanea, monginum moyotakin bo mosumba kon berhala inta ilarang i Tuhan.

OUMAN IN RASUL MITA 28:15

Utat mita inta kon Rum aindon nokodongog kon habar kon naonda in kami, dá mosia in namangoi noidapot in Pasar Apius bo Pasanggrahan Tiga sin monontomu kon inami. Naonda in ki Paulus noyodungkuḷ monia, sia in nopoyaput in sukur kon i Allah bo noropotdon bui in ginanea.

YEHEZKIEL 8:10

Dá akuoi in sinumuot doman bo noindoi. Dinding mita in yuang tatua ginambaran in noyagi-yagimai in uḷag bo mahaḷuk mita haram ibanea, bo noyagi-yagimai doman in gambar berhala inta sinumba in intau mita in Israel.

YEREMIA 16:18

Dosa bo aid monia moraat in tuḻían-Kubí pongin hukuman kodua noguntuḷ, sin mosia in noponajisdon kon butá-Ku takin berhala mita. Berhala mita tatua in diábí konyawa naonda bo mayat.”

YESAYA 65:4

Kon tungkuḷ in doḷom mosia in mayá in angob mita bo poḷoḷobongan sin mopoigum in tonggina mita in dimukud mita. Mosia in mokaan kon tapú in boké bo monginum kon tubig mita in ponoyá inta poton.

YESAYA 44:14

Dika-dika bo kayu inta pinakénea in kayu ḷokuyú, pangkoi in eru andeka pangkoi in terpentin inta pinupuḷnea kon kayuon. Degá nomuḷa doman in sia kon pangkoi in salam, bo nogoḷat kon uyan inta mopobiag.

TAWARIKH 2 29:18

Bo intau mita in Lewi tatua nopotaaudon kon i Datu Hizkia, “Nopaḷutdon in kami nopotusi in bayongan Baḷoi Tuhan, noitakin doman in mezbah in kuruban payongon, meja inta pototuduan kon roti inta oḷudon, bo bayongan in pakakatnea.

TAWARIKH 2 19:11

Ki Imang Moḷoben ki Amarya inogoianku in kawasa moḷantud kon bayongan in pelekara soaḷ hukum mita in agama. Ki Zebaja ki adí i Ismael, inta ki gubernur in Yohuda, inogoianku in kawasa moḷantud kon bayongan in pelekara ibanea. Intau mita in Lewi in kitogi totaau moḷukad sinbá kaputusan mita in pongadilan in aidan. Duduiai in topotundú mita tanaa bo aidai intua totu-totuu. Igumon mako ki Tuhan kotaki-takin in intau inta moadil!”

DATU MITA 2 23:13

Ná doman tua in mezbah mita kon dotá in pomukaan kon Yerusalem kon dotá in toḷatan Buḷud in Koraatan pinonajis. Mezbah mita tatua in pinosindog i Datu Salomo sin posumbaan kon dewa mita inta mokorongó – inta ki Asytoret dewi in bangusa in Sidon, Kamos dewa in bangusa in Moab, bo Milkom dewa in bangusa Amon.

DATU MITA 2 18:22

Noiduduimai kon tua porwira in Asyur tatua in noguman, “Andeka degá moiko in mosingog kon moiko in moharap mako kon i Tuhan, Allahmu? Kon dodai in ki Hizkia nomarenta kon bá intau in Yohuda bo Yerusalem in tongá bidon moibada kon tayowon in mezbah kon Yerusalem, yo inta iyompatnea tua in mezbah bo tampat mita posumbaan kon i Tuhan tontaní.

DATU MITA 2 16:14

Ki Ahas in nokoontong kon mezbah bitú inta pinotondí kon i Tuhan noiukat kon sigad in Baḷoi Tuhan bo mezbahnea inta nobagu. Tuamai in mezbah bitú tatua in pinampingnea nongkon muna in Baḷoi Tuhan pinobayá in dotá in utuan in mezbahnea inta nobagu tatua.

DATU MITA IMITÁNEA 11:7

Kon tudu in buḷud kon dotá in pomukaan kon Yerusalem, noposindog in sia in tampat posumbaan kon i Kamos, dewa in intau Moab, bo kon i Molokh, dewa in intau Amon – doyowa tatua tumpaḷa dewa inta mokorongó.

DATU MITA IMITÁNEA 11:5

Ki Salomo in nosumba kon i Asytoret, dewi in bangusa in Sidon, bo kon i Molokh dewa inta mokorongó inta sinumba in bangusa in Amon.

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

IMAMAT 18:30

Dá ki Tuhan noguman, “Duduiaidon in atorang mita inta inogoi-Ku bo dikadon dumayan kon dodia in intau mita inta nogutun kon butá in Kanaan wakutu in moiko diápa nogutun kon tua. Dika moponajis in awakmu tontaní takin momia kon oaid mita tatua. Akuoi ki Tuhan Allahmu.”

TAWARIKH 2 17:2

Sinampatneadon in tontara kon bayongan in kotá inta dininding kon Yohuda, bo kon butá mita inta kon ḷuai in kotá kon Yohuda, bo kon kotá mita inta inagow i amánea kon butá in Epraim.

TAWARIKH 2 19:4

Ki Yosapat in nogutun kon Yerusalem. Táe sia in mokakitbí in mayá moindoi kon rayatnea kon bayongan in butá sin monongganut kon i monia mobui mangoi kon i Tuhan, Allah in mogoguyang monia.

HAKIM MITA 10:16

Onda intua mosia noḷumbúdon kon bayongan patong berhala, bo nosumbadon bui kon i Allah. Dá inagíandon in tabi in ki Allah nokoontong kon i monia kon bonu in roriga.

DATU MITA IMITÁNEA 15:9

Kon taong indoyowa nopuḷú kon pinomarentaan i Datu Yerobeam kon Israel, ki Asa in nobaḻí datu kon Yohuda.

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.