TAWARIKH 2 13:5 - Alkitab Singog In Mongondow Masa In Tanaa

⁵ Kinotaauan monimu kon ki Tuhan, Allah Israel, ain nogaid kon dandi takin i Daud kon sia bo buínea in umuranbí momarenta kon Israel modapot in mononoi. Dandi tatua in diábí motaau inggamáan.

TAWARIKH 2 13:5 Referans Kwoze

PINOGIAPAN 18:19

Bayongan sosumba inta ain sinondí in intau mita in Israel kon i-Nakó, in umuran-Kubí ogoi kon inimu bo kon i adímu mita ḷoḷaki bo bobay. Atorang tanaa umuranbí pakéon modapot kon adí mita bain ompu bo mobaḻí togot in dodandian inta diá motaau inggamáan kon sigad-Ku bo kon inimu takin buímu.”

IMAMAT 2:13

Bayongan kuruban sosumba musti ibungan simuton, sin simuton mobaḻí tanda dodandian i Allah bo i monimu. Dá bayongan sosumba musti ibungan.

DATU MITA IMITÁNEA 8:20

Tanaa in ki Tuhan in nogintompodon kon dandi-Nea. Akuoi ain nobaḻí datu in Israel nomaḷui kon i amáku, bo akuoi in noposindog domandon in baḷoi pososumbaan kon i Tuhan, Allah in Israel.

YEHEZKIEL 43:24

bo diádon kon i-Nakó. Imang mita in mustibí moponabud in simuton kon tudu in biag doyowa tatua bo tubáan mobaḻí kuruban kon i Nakó.

TAWARIKH 1 17:14

Ki adímu ḷoḷaki inta piniḻí-Ku tua in baḻíon-Ku datu kon umat-Ku bo dodatuan-Ku modapot in mononoi, bo ki adí bo ki ompunea namonag in momarentabí mobaḻí datu.’ ”

TAWARIKH 1 17:11

Kon singgai moiduduimai, aka modapotdon in wakutumu matoi bo ḷobongon in iko kon poḷoḷobongan in mogoguyangmu, adímu ḷoḷaki tobatú in baḻíon-Kudon datu. Siadon in moposindog in baḷoi kon i-Nakó. Dodatuan nea in irigonan, bo kon kinoouput in dunia naa tobatú nongkon buínea in momarenta mobaḻí datu.

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

AMSAL 1:29

Moiko in naonda bo intau inta diápa nokoimontanmai in moibog motayak kon sinotaau, bo doí dumudui kon i Tuhan.

NEHEMIA 5:9

Bo Gumanku bui, “Aidmu tua in diábí mopia! Mustibí in moiko mobiag takin motoguondok kon i Allah. Dá musung naton inta diá ko Tuhan tua in diá ogoian monimu in kasampatan moningkuḻe kon inaton.

SAMUEL 1 16:12

Dá pinoki oinídon i Isai in ki adínea tatua. Noniata magí yo sia tua in tayowmobiagbí inta moḷunat bo mosehat, bo matanea in totuu mogaga. Bo ki Tuhan in noguman kon i Samuel, “Naadon in sia; duídon in sia!”

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

PETRUS 2 3:5

Tuodonbí monia diá pirisayaan, kon dunia naa in pinomia i Allah takin singog-Nea. Butá naa pinomia-Nea nongkon tubig doman, bo takin tubig;

SAMUEL 2 10:13

Ki Yoab takin tontaranea minayá nonubu, nodapot in tontara in Siria noḷagui.

TAWARIKH 2 6:16

Iko in nodandi domandon kon i amáku kon aka buínea in totu-totuu motoindudui kon hukum-Mu ná sia, dá mononoibí in intau tobatú nongkon buínea in momarenta mobaḻí datu in Israel. Tanaa, o Tuhan Allah in Israel, intompodaidon doman in bayongan inta ain pinodandi-Mu kon i amáku ki Daud, mogogundoi-Mu tua.