TAWARIKH 2 13:14 - Alkitab Singog In Mongondow Masa In Tanaa

¹⁴ Naonda in inontong in tontara in Yohuda kon mosia in kinopungdon, nomaḷú in mosia mopoigum in totuḷung kon i Tuhan. Imang mita nogirup kon torompet,

TAWARIKH 2 13:14 Referans Kwoze

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

IḶUAIAN 14:10

Naonda intau Israel nokoontong kon ki datu in Mesir bo tontaranea mita nopoangoidon, mosia in totokdon inangoian ondok bo nokuanidon kon i Tuhan sin mokituḷung.

MAZMUR 91:5

Iko in dika moondok kon anib kon dodai in doḷom, andeka daḻí tubuon kon dodai in singgai;

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

YOSUA 8:20

Intau mita in Ai nobobui ná tumi, bo inontongdon monia in poyok moḷoben namonik in ḷangit. Ki Yosua bo tontaranea mita in nokoontong domandon kon poyok bo kinotaauanneadon kon tontaranea mita ibanea in nokoagowdon kon kotá tatua. Dá nomurowdon in ki Yosua takin tontaranea mita sin monubu bo moḻimod kon intau mita in Ai. Intau mita in Israel inta kon kotá in Ai tatua namangoi domandon bo nonubu, dá intau mita in Ai kinokopungandon bo diádon nokoḷagui. Diá tobatúmai in intau nongkon i monia in nokoḷagui, nodait minatoi iḻimod in intau Israel,

TAWARIKH 2 18:31

Dá naonda in mosia nokoontong kon i Datu Yosapat, kai monia kamai dá siabí tua in datu in Israel. Tuamai in sinubu monia in sia. Táe ki Yosapat in nomaḷú, bo sinuḷungan i Tuhan Allah in sia, bo nomurowdon kon pinonubuan tatua kon tampat ibanea.

YOSUA 6:16

Naonda in noginpitu noḻibu, naonda in imang mita nogirup kon torompet monia, ki Yosua nobogoi in parenta kon bayongan in tontara sinbá morogiowdon totok. Ki Yosua noguman, “Ki Tuhan ain nobogoi in kotá tanaa kon inimu!

PINOGIAPAN 10:9

Bo aka moiko moparang kon butá monimu sinbá diá kawasaan in musung inta monubu, irup in torompet mita tatua. Dá Akuoi, ki Tuhan Allahmu, in motuḷung bo moposaḷamat kon i monimu nongkon musungmu mita.

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

TAWARIKH 2 32:20

Dá nosambayangdon in ki Datu Hizkia bo ki Nabi Yesaya ki adí i Amos. Mosia in nomaḷú noigum in totuḷung kon i Allah.