TAWARIKH 2 12:8 - Alkitab Singog In Mongondow Masa In Tanaa

⁸ in mongawasabí kon i monia, sinbá kotaauan monia in yoposi aka mogundoi kon i-Nakó bo mogundoi kon pongawasa mita in dunia.”

TAWARIKH 2 12:8 Referans Kwoze

YESAYA 26:13

Kami in nokoimontandon in kinawasa in tuang mita ibanea, táe tongábí Iko in ináku nami, o Tuhan Allah nami!

HOSEA 8:10

Táe sipunon-Kubí bo hukumon in mosia. Diádon moonggot bo mosia in mogongot popisí in monakit, aka mosia dorotondon i datu in Asyur.

YEREMIA 10:24

Sambokdon in kami o Tuhan, táe dikabí sambokon moiḻiu in konakitnea. Dika doman mohukum kon inami aka Iko koyogot in tumorú, sin notantú bidon kon moyopú in kami komintan.

HAKIM MITA 3:1

Sin makusud monungkuḷ kon bangusa mita in Israel inta diá kon dodai in onda noparang kon Kanaan, pinomayá mako i Tuhan in tongonumai in bangusa nogutun kon butá tatua.

NEHEMIA 9:36

Dá tanaa kami naa in nobaḻí ata kon butá inta inogoi-Mu nobaḻí budel. Butá tanaa in mopia, nopuḻing in bungai in boyó, inta sabanarnea in kamibí in motarima.

HAKIM MITA 3:2

Pinomia i Tuhan intua tongábí makusud motundú kon bayongan in intau mita topobiagan kon Israel moparang, inta dungkuḷ totok in mosia inta diápa kon dodai in onda sinumakin noparang.

MAZMUR 106:42

Bo mosia in dinorot in musung mita monia, bo pinotungkud kon ḻimonag in kawasa monia.