TAWARIKH 2 12:3 - Alkitab Singog In Mongondow Masa In Tanaa

³ takin 1.200 in kereta in parang, 60.000 in tontara inta sinumakoi kon kabaḷo, bo tontara mobayong inta diádon koiapan in kobayongnea, noitakin doman in tontara in Libia, Suki bo Sudan.

TAWARIKH 2 12:3 Referans Kwoze

NAHUM 3:9

Tebe in nomarenta kon Sudan bo Mesir, bo kawasanea in mononoi; Libia bo Put in notobatúnea.

TAWARIKH 2 16:8

Degá diábí kinotaauanmu kon Sudan bo Libia in kotontara mobayong takin nobayong doman in kereta in parang bo tontara inta sinumakoi kon kabaḷo? Umpaka natua táe pinountungbí i Tuhan in iko kon i monia, popisí in iko inumandoḷ kon i-Nia.

DANIEL 11:43

Sia in mogagowbí kon kapunyaan in Mesir ná buḷawan bo saḷaka takin kapunyaan ibanea inta totok in momahaḷ. Sia in duḷuanbí in intau in Libia bo Sudan.

WAHYU 9:16

Pinotaaudon kon inakó kon doyowa nogatut nojuta in kobayong in tontara inta sinumakoi kon kabaḷo.

YEHEZKIEL 30:5

Kon poparangan tatua koḻimodan doman in tontara mita inta sinokouboḻian nongkon Sudan, Lidia, Libia, Arab, Kub bo nodapot doman in nongkon bangusa-Ku mita tontaní.”

YESAYA 43:3

Sin Akuoibí, in ki Tuhan, Allahmu, ki Allah mokudus in Israel, mopoposaḷamatmu. Mesir in ogoi-Ku nobaḻí tontobutmu, Sudan bo Syeba in nobaḻí toḻiumu.

TAWARIKH 2 14:12

Bo ki Asa takin tontara in Yohuda minayá nonubu kon tontara in Sudan. Ki Tuhan nonaḷow kon tontara in Sudan dá noḷaguidon in mosia.

TAWARIKH 2 14:9

Kon singgai tobatú intau in Sudan inta ki Zerah in tangoinea nonubu kon Yohuda takin tontaranea inta 1.000.000 bo 300 in kereta in parang. Mosia in minayá nodapot in Maresa.

SAMUEL 2 10:18

Táe sinaḷow in intau Israel in tontara in Siria nodapot in inumundok. Ki Daud takin tontaranea nokoḻimod kon 700 in intau inta sinumakoi kon kereta in parang, bo 40.000 in tontara inta sinumakoi kon kabaḷo; koḻikud intua ki Sobakh tongguḷu totokan in tontara in musung sinompaḻíandon nodaḷom dá minatoi kon tampat pinoparangan.

SAMUEL 1 13:5

Bo kon dodai intua intau in Pilistin noyosipun domandon sin monubu kon intau in Israel; kon dotá monia oyúon in 30.000 in kereta in parang, 6.000 in intau sinumakoi kon kabaḷo, bo prajurit mita ná kobayong in bungaion kon pintad. Mosia in noyosipun kon Mikhmas kon dotá in pomukaan kon Bet-Awen.

HAKIM MITA 6:5

Intau mita tatua in mamangoi mokapu-kapung kodia-dia in bobiagon bo ḷoḷaigan monia inta mobayong totok. Mosia bo unta monia in diádon koiapan. Mosia in mamangoi sin momoguyaat kon butá tatua,

HAKIM MITA 4:13

sia nosipun kon siow nogatut in kereta parangnea inta pinomia nongkon uatoi tatua, takin bayongan in tontaranea bo nodia kon i monia nongkon Haroset-Hagoyim minayá ná Ongkag in Kison.

DATU MITA 2 7:6

Sin, ain binaḻí i Tuhan intau mita in Siria nokodongog kon singog naonda bo ponubuan in paanan in tontara inta mobarong totok inta sinumakoi kon kabaḷo bo kereta. Intau mita in Siria tua in norai kon ki datu in Israel ain nonondan kon i datu in Het bo Mesir takin tontaranea sin monubu kon i monia.

TAWARIKH 2 14:8

Tontara i Datu Asa in 300.000 in intau in Yohuda inta nomaké in kaḻeaw bo pandong, bo 280.000 in intau in Benyamin inta nomaké in kaḻeaw bo piot. Mosia in komintanbí tontara mita inta mongobarani bo nobiasadon noparang.