TAWARIKH 1 9:33 - Alkitab Singog In Mongondow Masa In Tanaa

³³ Tongosilai intau in Lewi inta ibanea in mopobayá in oaidan nobaḻí mododondong kon Baḷoi Tuhan. Tongguḷu mita in motoḷuadí monia in nogutun kon tongonumai in baḷoi kon Baḷoi Tuhan. Mosia in diábí inogoian in oaidan ibanea, sin mosia in mogaidbí doḷom bo singgai.

TAWARIKH 1 9:33 Referans Kwoze

EZRA 7:24

Moiko in diábí motaau in moigum kon pajak nongkon imang mita, intau in Lewi, mododondong, moḷoḷukad kon bonawang, mogogaid, andeka ki inekabí inta oyúon in oaidannea kon Baḷoi Tuhan.

TAWARIKH 1 9:34

Intau mita inta sinangoi mita tua in tongguḷu mita in motoḷuadí in Lewi podudui in pipidan in buí monia. Mosia in itoi mita inta nogutun kon Yerusalem.

NEHEMIA 12:46

Pinangkoi kon i Datu Daud bo ki Asap inta monotaau totok kon musik, intau mita mododondong ain nopodondong in dondong dodayow sukur kon i Allah.

YEREMIA 35:2

“Bayádon poyosingog in intau mita inanakan i Rekhab. Diadon in mosia kon yuang tobatú kon bonu in Baḷoi-Ku, bo tugungaidon in anggur kon i monia.”