TAWARIKH 1 29:24 - Alkitab Singog In Mongondow Masa In Tanaa

²⁴ Komintan pojabat in pomarenta bo tontara noidapot kon adí mita ḷoḷaki i Daud ibanea in nongakubí kon kawasa i Salomo saḷaku datu.

TAWARIKH 1 29:24 Referans Kwoze

YEHEZKIEL 17:18

Popisí in iḻimimpatdon in sia kon ibot bo dodandiannea, sia in diábí mokopoḷagui.

TAWARIKH 2 30:8

Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

TAWARIKH 1 28:21

Pinosilaian kon oaidan mopobayá in ibada kon Baḷoi Tuhan ain sinantú kon sigad in imang mita bo intau in Lewi. Mogogaid mita inta mongotaau kon oaidannea kon batúan monia in motuḷungbí kon inimu takin sanang in gina, bo itoi mita takin bayongan in rayat in dumuduibí kon parentamu.”

TAWARIKH 1 22:17

Bo ki Daud nopotabá kon bayongan itoi in Israel notuḷung kon i Salomo.

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

KINOBAḺIAN 24:2

Kon singgai tobatú ki Abraham in nogumandon kon bobantungnea inta totok in guya-guyang, inta nonompia kon bayongan kapunyaannea, “Poukatdon in ḻimamu kon sigad in páaku.

TAWARIKH 1 29:23

Dá inta nobaḻí toḻiu i Daud ki amánea, ki Salomo in iḻimitú kon ḷoḻitúan in datu inta ain sinantú i Tuhan. Sia in datu inta nokodapot kon oaidannea komintan bo kinobangkaḷ in bayongan in bangusa Israel.

TAWARIKH 1 29:25

Binaḻí i Tuhan in bayongan rayat noibog kon i Datu Salomo bo binaḻí-Nea datu inta motoya-toyang nongkon datu nongkon ondaka inta nokoimontandon nomarenta kon Israel.

YEREMIA 50:15

Pokokowdon kokow in parang kon ḻibumai in kotá tatua! Tanaa Babel in ain sinumungkud. Pandongnea mita in dinangatandon bo inumpag. Akuoi in koyogotdon motuḻí kon Babel. Tuamai in popoaidon kon i monia in onu inta pinopoaid monia kon intau mita ibanea.