TAWARIKH 1 29:18 - Alkitab Singog In Mongondow Masa In Tanaa

¹⁸ Oo Tuhan Allah, inta sinumba i Abraham, i Ishak bo i Yakub, mogoguyang nami, igumon mako ḷukadan-Mu mako sinbá umat-Mu tantú motabi kon ini-Mu ná tanaa mako bo tuḷungaidon sinbá mosia in umuran mosatia kon ini-Mu.

TAWARIKH 1 29:18 Referans Kwoze

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

YEREMIA 10:23

Tuhan, kinotaauanku kon diábí tobatúmai in intau in mokawasa monantú kon ukurnea andeka monantú kon daḷan kobiagannea.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

TESALONIKA 1 3:11

Bo poigumon mako ki Allah, ki Amá naton bo ki Tuhan naton ki Yesus Kristus mobogoi in daḷan kon inami sinbá moyodungkuḷdon bui monimu!

MAZMUR 119:113

Akuoi in moibog totok kon hukum-Mu mita, kinodoíku in intau inta diá noḻimbatú in gina in dumudui kon ini-Mu.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

PILIPI 1:6

Ki Allahbí in nomangkoi kon oaidan mopia tatua kon inimu, bo moyakinbí in akuoi, kon tantú-Neabí ingguputan in oaidan-Nea tatua modapot kon singgai ki Kristus Yesus in mamangoidon bui.

MATIUS 22:32

‘Akuoi in ki Allah i Abraham, ki Allah i Ishak bo ki Allah i Yakub.’ Sia deemanbí ki Allah in intau minatoi, táe ki Allah in intau nobiag!”

MAZMUR 119:166

Akuoi in mogoḷat mako kon kasaḷamatan nongkon ini-Mu, Tuhan, parenta-Mu mita in inaidanku.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

IḶUAIAN 4:5

Guman i Tuhan, “Aidaidon in natua sinbá intau mita Israel mopirisaya kon Akuoi, ki Tuhan, Allah in mogoguyang monia, ki Allah i Abraham, i Ishak bo Yakub, aindon nokipogontong kon inimu.”

IḶUAIAN 3:15

Potaau domandon kon i monia kon Akuoi, Tuhan, ki Allah in mogoguyang monia, ki Allah i Abraham, i Ishak bo i Yakub, nopotabá kon inimu namangoi kon i monia. Akuoibí naa in ki Tuhan, tuata in tangoi-Ku mononoi. Tuata in ponangoi kon i-Nakó kon bayongan bangusa dapot in adí bo ompu.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

OUMAN IN RASUL MITA 3:13

Ki Allah inta sinumba i Abraham, i Ishak, i Yakub bo in mogoguyang naton tua in ki Allahbí inta nopomulia kon simpaḷ-Nea inta ki Yesus Kristus. Ki Yesus tua inta pinosarakan bo inta diá sinarima monimu kon tayowon i Pilatus umpakabí kai Pilatus in buḻiandon in Sia.

KINOBAḺIAN 6:5

Inontong i Tuhan kon totokdon moraat in intau mita kon dunia naa; bayongan in raian monia umurandon moraat.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

TAWARIKH 1 29:19

Ogoiaidon in ki Salomo, ki adíku ḷoḷaki in ibog inta totu-totuu dumudui kon bayongan in parenta-Mu bo moposindog in baḷoi pooibadaan tatua inta ain pinosadiaku.”

ULANGAN 5:29

Tungkuḷaika aka mosia tua bo umuran natua in porasaan! Tungkuḷai aka mosia umuran mohoromat kon i-Nakó bo motoindudui kon bayongan in parenta-Ku, modapot in mosia bo buí monia umuran mobiag motompia!

TAWARIKH 2 30:6

Pinodudui kon parenta i datu bo pogawainea mita pinotabádon in totabá mita minayá kon sinangkub in Yohuda bo Israel sin modia kon surat mita tatua inta nanaa in bonunea, “Rayat in Israel! Moiko nion in noiḷuatdon nongkon kawasa intau in Asyur. Tanaa in angoidon bui in moiko bo pogundoi kon i Tuhan, Allah inta sinumba i Abraham, i Ishak, bo i Yakub, sinbá Sia in buidon motuḷung kon i monimu.