TAWARIKH 1 28:18 - Alkitab Singog In Mongondow Masa In Tanaa

¹⁸ soaḷ kobayong in buḷawan totokan inta pomiaan mezbah pototubáan kon dupa bo aidan kereta inta potuduan kon patong mita in kerub takin koḻikip nobuká kon tudu in Poti Dodandian i Tuhan.

TAWARIKH 1 28:18 Referans Kwoze

IBRANI 9:5

Kon tudu in poti tatua oyúon in kerub doyowa, tuata in mahaḷuk kokoḻikipan inta nobaḻí lambang koangoian i Allah. Koḻikip in mahaḷuk doyowa tatua noibuká mako kon tudu in taḷob in poti tatua, tobatú tampat pongongampungan kon dosa. Táe tua mita in diá koinsilangan batu-batúon tanaa mako.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

MAZMUR 18:10

Ḷangit binotak-Nea, bo noponag in Sia bo goḷom mosindip in kon ḻimonag in sioḷ-Nea.

DATU MITA IMITÁNEA 7:48

Ki Datu Salomo in nokimia doman in touḷut mita ibanea nongkon buḷawan sin pakéon kon Baḷoi Tuhan. Naa in pakakat mita inta pinomianea tatua: Mezbah Meja pogukatan kon roti inta posumba kon i Allah Sioḷ totuduan in togá mopuḷú inta inukat kon tayowon in Yuang Totok Motusi, ḻima in kon dotá in toḷatan bo ḻima in kon dotá in utuan Bungang mita Togá mita Totupit mita Galas mita Pakakat pomomiong kon togá Palo mita Pindan mita pogukatan kon dupa Pindan mita inta pogukatan kon baga in tuḷú Engsel mita inta pakéon kon Yuang Inta Totok in Motusi bo ḷoḻingkop mita dotá in ḷuai in Baḷoi Tuhan.

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.

TAWARIKH 1 28:17

Bo topotundú doman kon soaḷ kobayong in buḷawan totokan inta musti pakéon pomiaan porok, palo bo sompoi, bo soaḷ kobayong in saḷaka bo buḷawan pomiaan pindan mita,