TAWARIKH 1 28:1 - Alkitab Singog In Mongondow Masa In Tanaa

¹ Ki Datu Daud in nomarenta sinbá bayongan in itoi in Israel moyosipun kon Yerusalem. Dá bayongan tongguḷu in suku, pojabat mita inta nokadai kon pomarentaan, tongguḷu mita in inanakan, moḷoḷukad mita kon bayongan kapunyaan bo bobiagon i datu bo ki adínea mita ḷoḷaki – impoḷok mako in tosingogon intau mita moḷoben kon komaḻig, porwira mita bo intau moponting, komintan noyosipun kon Yerusalem.

TAWARIKH 1 28:1 Referans Kwoze

TAWARIKH 1 23:2

Ki Datu Daud in nosipun kon bayongan itoi in Israel, imang mita bo intau mita in Lewi,

YOSUA 24:1

Ki Yosua nosipun kon bayongan suku bangusa in Israel kon Sikhem, bo nopotabá kon guhanga mita, itoi mita, hakim bo porwira mita namangoi in tayowonnea. Dá namangoidon in mosia kon tayowon i Allah.

YOSUA 23:2

Dá inoinínea in bayongan umat in Israel, guhanga mita, itoi mita, hakim mita, bo porwira mita, bo noguman, “Akuoi naa in nogoguyangdon.

TAWARIKH 1 22:17

Bo ki Daud nopotabá kon bayongan itoi in Israel notuḷung kon i Salomo.

TAWARIKH 1 29:6

Dá tongguḷu mita in inanakan, tongguḷu in suku, porwira mita bo moḷoḷukad kon kapunyaan i datu in noguman doman kon mosia in moibog doman mosumbang.

TAWARIKH 2 1:2

Bayongan tongguḷu in tontara 1.000 bo 100, bayongan pojabat in pomarenta, bo bayongan tongguḷu in motoḷuadí in Israel pinarentaan i Datu Salomo

TAWARIKH 1 29:1

Bo ki Datu Daud in nogumandon kon bayongan in intau inta noyosipun kon tua, “Nongkon bayongan in adíku ḷoḷaki, ki Salomobí in piniḻí i Allah. Táe nobagupa totok in sia bo noyakagpa in pongalamannea bokaka oaidan tanaa in totokbí in moḷoben. Apa doman inta posindogon tatua in deemanbí komaḻig in intau, táe baḷoibí kon i Tuhan Allah.