TAWARIKH 1 26:19 - Alkitab Singog In Mongondow Masa In Tanaa

¹⁹ Natuata in pinososilai kon oaidan moḷukad kon inanakan i Korah bo inanakan i Merari.

TAWARIKH 1 26:19 Referans Kwoze

PINOGIAPAN 16:11

Aka iko bo dumoduduimu mita mongunsingog kon i Harun, yo totuubí kon moiko ain noḷawang kon i Tuhan!”

IḶUAIAN 6:24

Ki Eleazer, adí ḷoḷaki i Harun, notonibuḷoi i adí i Putiel tobatú, bo ki adí monia tua in ki Pinehas. Tuata in bayongan tongguḷu in inanakan bo tongguḷu in baḷoi in suku Lewi.

DATU MITA 2 7:10

Tuamai in nobuidon in mosia kon Samaria bo nomaḷú kon moḷoḷukad kon bonawang in kotá, “Minayádon in kami kon pinononḷoḷaigan in intau in Siria, bo noniata magí diá bidon in intau in kon tua. Kabaḷo bo keledai monia kinobayáanmai nami in noitogotpabí mako kon pototogotannea, bo ḷoḷaigan mita in tongádon sinaḷáan mako natua.”

TAWARIKH 1 26:18

Kon Pavilyun kon dotá in toyopan pinoki ḷukad kon intau opat moḷoḷukad kon daḷan bo doyowa in moḷoḷukad kon pavilyun tua.

TAWARIKH 1 26:20

Intau mita ibanea kon bonu in suku Lewi in inogoian oaidan moḷukad kon kapunyaan kon bonu in Baḷoi Tuhan bo kon gudang inta pinotagúan kon bayongan in oogoi kon i Allah.