18 Ki Yizhar, ki adí i Kehat nogindua, in kogadí kon adí ḷoḷaki tangoinea in ki Selomit; sia in tongguḷu in inanakan.
Ki Selomit bo ki utatnea mita in inogoian in oaidan moḷukad kon bayongan inta inogoi inta pinosumba i Datu Daud, in tongguḷu mita in motoḷuadí, itoi mita in inanakan, bo porwira mita moḷantud.
Ki Merari kogadí kon adí ḷoḷaki doyowa: Ki Mahli bo ki Musi. Tuata in inanakan in suku Lewi takin buí mita monia.
Ki Eleazer in tongá kogadí kon ḷoḷaki tobatú, tangoinea in ki Rehabya. Táe ki Rehabya in kogadí kon nobayong totok in adí.
Ki Hebron, adí i Kehat nogintoḷu, in kogadí kon adí ḷoḷaki opat: ki Yeria in guya-guyang, noiduduimai in ki Amarya, ki Yehaziel bo ki Yekameam.