TAWARIKH 1 21:3 - Alkitab Singog In Mongondow Masa In Tanaa

³ Tubag i Yoab, “Igumon mako guntuḷondon i Tuhan in rayat in Israel moidapot in kogatut in ná kobayong monia tanaa. Inta Momulia, noniata bidon kon mosia tua in notogu ondok bidon kon i Tuang Datu! Dá nongonu sin mustipabí iyapon? Dika-dika, tongá popisí in taḷá tatua, bayongan in bangusa mobaba kon bungainea!”

TAWARIKH 1 21:3 Referans Kwoze

ULANGAN 1:11

Igumon mako ki Tuhan, Allah in mogoguyangmu, umuran modugang kon kobayong monimu modapot in koribu noguntuḷ, bo mopobaḻí kon i monimu bangusa inta mobiag mooyúon bo motompia ná podudui kon inta pinodandi-Nea!

YESAYA 48:19

Buímu in naonda bo kobayong in bungaion; Akuoi in mojamin kon mosia in diábí kon dodai in onda in yopúon.”

YESAYA 26:15

Binaḻí-Mudon kami umat-Mu nobayong totok, o Tuhan, bo pinooḷad-Mudon in butá nami, tuamai Iko umuran inuntu.

AMSAL 14:28

Kokokawasa in datu noidoyon kon kobayong in rayatnea; aka diá in rayat diábí in sia motaau mongawasa.

MAZMUR 115:14

Igumon mako ki Tuhan in mobogoi in adí mobayong, kon i monimu bo kon buímu.

TAWARIKH 1 19:13

Pokorigon in gina! Koḻigai in kita moḷongasi takin mokopobarani sin kasaḷamatan in bangusa naton bo kasaḷamatan in kotá mita i Allah. Igumon mako ki Tuhan in mogaid kon onu inta kinoibog-Nea.”

DATU MITA IMITÁNEA 14:16

Ki Tuhan in monaḷábímai kon Israel sin ki Yerobeam in binaradosa bo nokopopisídon kon intau in Israel binaradosa domandon.”

SAMUEL 1 2:24

Dikadon bui mogaid kon ná tatua adíku mita. Totuu kon totokbí in diá mopia in onu inta inouman in umat i Tuhan soaḷ aid monimu!

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

KINOBAḺIAN 20:9

Nopaḷut mako kon tua ki Abimelek nogoiní kon i Abraham bo noḻibó “Onu inta ain pinomiamu kon inami? Onu in taḷáku kon inimu, dapot in pinopoangoimudon inta mokobodito kon inakó bo kon dodatuan ku? Totuu kon diábí patus iko in momia kon natua kon inakó.

TAWARIKH 1 21:4

Táe ki datu in umuranbí kumadai kon parentanea tatua, dá minayádon in ki Yoab kon bayongan in Israel, noidapot kon ḻipú mita inta noako, bodongka nobui kon Yerusalem,

IḶUAIAN 30:12

“Kon tungkuḷ in pinogiapan kon bangusa Israel, bayongan in ḷoḷaki musti moguboḻi kon i-Nakó in doit tobutan kon inia sinbá diá in sia kotugatan in bodito kon dodai in pogiapandon.

YOSUA 22:15

Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

DATU MITA 2 12:7

Tuamai nogoiní in ki Yoas kon i Imang Yoyada takin imang mita ibanea, bo noguman, “Nongonu sin diápabí doman in moiko nonompia kon Baḷoi Tuhan? Pinangkoi kon singgai in naa diádon motaau in moiko mokadai kon doit inta sinarima monimu. Mustidon ogoi monimu komintan intua sin pakéon ponompia kon Baḷoi Tuhan.”