TAWARIKH 1 21:27 - Alkitab Singog In Mongondow Masa In Tanaa

²⁷ Bo ki Tuhan in nopotabá in malaekat tatua notungkog bui kon pitownea, dá dinuduian doman in malaekat tatua in parenta i Tuhan tua.

TAWARIKH 1 21:27 Referans Kwoze

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

YOHANES 18:11

Dá ki Yesus in noguman kon i Petrus, “Tungkogdon bui kon gumánea in pitowmu nion! Degá iraimumai kon diábí inumon-Ku in palo in roriga inta inogoi i Amá kon i-Nakó?”

MATIUS 26:52

Ki Yesus in noguman kon inia, “Tungkogdon bui in pitowmu kon gumánea, sin ki ine in momaké in pitow, yo sia in matoi doman in pitow.

YEHEZKIEL 21:30

Ei intau in Amon, tungkogdon bui in kedangmu! Moiko in sisigan-Kubí kon tampat pinomaḻían kon i monimu bo pinononggadían.

YEREMIA 47:6

Moiko in momaḷú, ‘Modapot in toonu iko in monubu, ei pitow i Tuhan? Tungkogdon kon gumámu bo kibio-biómaidon kon tua kaasí!’

MAZMUR 103:20

Dayowdon in ki Tuhan, ei malaekat-Nea mita inta mongotorindog, inta nokidongog bo nopoaid in onu inta pinoki aid-Nea.

TAWARIKH 1 21:20

Kon tampat pororipúan kon gandum tatua ki Arauna bo adínea opat inta ḷoḷaki koyogot in moripúmai kon gandum. Nokoontongmai kon malaekat tatua, ki adí i Arauna taya opat tatua noḷagui minayá nogadop.

TAWARIKH 1 21:12

Butá tanaa in kotugatan in bodito kodaitan in kaanon kon bonu in toḷu notaong, andeka ki Tuang Datu in moḷagui magí-mako sin aḷo-aḷowan mako in musung kon bonu in toḷu nobuḷan, andeka bayongan in butá tanaa kon bonu in toḷu nosinggai tubuon i Tuhan in pitownea inta pinongin yampoi in takit, bo malaekat-Nea in modia kon popatoi kon ondaka in bayáannea. Tantú in tanaa mako mongo onu in musti potaauku kon i Tuhan.”

SAMUEL 2 24:16

Malaekat i Tuhan inta nodia kon popatoi tatua ain noiyaput in tampat poḷoḻidokan kon gandum kapunyaan i Arauna, intau in Yebus. Naonda in inontong i Tuhan kon malaekat tatua nosadiadon moyompat kon Yerusalem, ki Tuhan in nomaḷui kon kaputusan-Nea, bo nogogaidon in Sia nohukum kon bangusa tatua. Guman-Nea kon malaekat tatua, “Tugatdon! Pogogaidon!”

TAWARIKH 1 21:26

Bo ki Daud in noposindog in mezbah tobatú kon tua sin posumbaan kon i Tuhan, bo noposumba in kuruban payongon bo kuruban dodamean. Onda intua sia nosambayang bo inindongogan i Tuhan in sambayangnea tatua takin nopoangoi in tuḷú nongkon ḷangit inta nomokak kon kuruban mita kon tudu in mezbah tatua.

TAWARIKH 1 21:28

Naonda in inontongdon i Daud kon ki Tuhan in notubag kon sambayangnea sin sosumbanea tatua, dá bui in sia noposumba in kuruban kon mezbah tatua.