TAWARIKH 1 21:23 - Alkitab Singog In Mongondow Masa In Tanaa

²³ “A, gamádon mako, Tuang Datu,” tubag i Arauna, “bo aidaidon in bayongan in onu inta mopia ontongon i Tuang Datu. Naa in sapi mita baḻíon kuruban payongon, bo aka kayu inta pondungú yo motaaubí pakéon i Tuang in dopí mita inta pororipúan tanaa. Pogamá domandon kon gandum sin baḻíon sosumba. Tongábí ogoiku intua komintan, dikabí uboḻian i Tuang intua.”

TAWARIKH 1 21:23 Referans Kwoze

SAMUEL 1 6:14

Roda tatua nogogai kon diug in batu moḷoben kon gobá i Yosua, intau in Bet-Semes tobatú. Intau mita kon kotá tatua noniai kon kayu in roda tatua bodongka noratá kon sapi doyowa tatua sin baḻíon kuruban payongon kon i Tuhan.

YEREMIA 32:8

Bo noitugat ná inta ain pinoguman i Tuhan, namangoidon in ki Hanameel kon inakó kon palas in komaḻig, bo nopoigum sinbá taḷuionku in butánea. Tuamai in noyakindon in akuoi kon ki Tuhan in totu-totuubí ain nosingog kon inakó.

DATU MITA IMITÁNEA 19:21

Ki Elisa in nobui kon gobánea bo noratá kon sapinea mita. Kayu puḷu in pajekonea binaḻínea kayu pondungú kon pinodungúan kon ponoyá in sapi mita tatua. Onda intua sinila-silaineadon mako in ponoyá mita tatua kon intaunea mita bo kinaan monia. Nopaḷut mako kon tua ki Elisa minayá dinumudui kon i Elia bo nobaḻí mototuḷungnea.

TAWARIKH 1 21:22

Guman i Daud kon inia, “Moibog in akuoi moposindog in mezbah kon tampat tanaa sin posumbaan kon i Tuhan, sinbá yampoi tanaa in mogogaidon. Tuamai in potaḷuidon in butá tanaa kon inakó. Pogumandon mongo tongonu in boḻinea, uboḻiankudon.”

TAWARIKH 1 21:24

Táe ki datu in notubag, “Dika! Taḷuoionkubí intua podudui in boḻinea. Doíbí in akuoi moposumba kon i Tuhan in onu in kapunyaanmu andeka onu inta nouḻíku diá siniḷopían.”