TAWARIKH 1 2:42 - Alkitab Singog In Mongondow Masa In Tanaa

⁴² Ki Kaleb ki utat i Yerahmeel in kogadí kon adí ḷoḷaki tangoinea in ki Mesa. Sia in adí guya-guyang. Ki Mesa in ki amá i Zip, ki Zip in ki amá i Maresa, ki Maresa in ki amá i Hebron.

TAWARIKH 1 2:42 Referans Kwoze

IBRANI 12:23

Moiko in sinumakin kon tobatú pinoyodungkuḷan inta morame totok – pinoyodungkuḷan in adí mita guya-guyang i Allah, inta pinaisdon in tangoi monia kon bonu in soroga. Moiko in namangoi sinumayow kon i Allah hakim in bayongan intau naa. Moiko in sinumayow kon roho mita intau mopia inta ain sinompurna.

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

TAWARIKH 1 8:29

Ki Yeiel in noposindog in kotá in Gibeon, bo nogutun kon tua. Ki buḷoinea in ki Maakha in tangoinea,

TAWARIKH 1 2:52

Ki Syobal in inta noposindog in kotá in Kiryat-Yearim in nobaḻí mogoguyang in intau in Haroë, tongobotak in mogoguyang in intau inta nogutun kon Menuhot,

TAWARIKH 1 2:49

Onda intua mosia in nokouḻí bui kon adí ḷoḷaki tangoinea in ki Saap bo ki Sewa. Ki Saap in inta noposindog in kotá in Madmana, bo ki Sewa in inta noposindog in kotá in Makhbena bo Gibea. Ki Kaleb in kogadí doman kon adí bobay tangoinea in ki Akhsa.

TAWARIKH 1 2:45

Ki Samai ki amá i Maon, bo ki Maon in ki amá i Bet-Zur.

SAMUEL 1 26:1

Kon singgai tobatú intau mita in Zip namangoi kon i Saul kon Gibea bo nopotaau kon inia kon ki Daud in nogadop kon Buḷud in Hakhila kon bingkí in padang gurun Yohuda.

SAMUEL 1 23:19

Onda intua tongonumai in intau nongkon Zip in namangoi kon i Saul kon Gibea bo noguman, “Ki Daud in nogadop kon butá nami kon bonu in angob mita kon diug in Hores, kon tudu in Buḷud in Hakhila kon dotá in toḷatan kon padang gurun Yohuda.

KINOBAḺIAN 49:3

Ruben, ki adíku inta guya-guyang, ikobí in ropotku, bungai uḷuan in ḷoḷakiku. Iko in moroton totok bo moropot kon sigad in bayongan adíku mita.

TAWARIKH 1 2:43

Ki Hebron in kogadí kon adí ḷoḷaki taya opat: Ki Korah, ki Tapuah, ki Rekem bo ki Sema.

YOSUA 15:55

Bo mopuḷú doman in kotá noiduduimai noitakin doman in ḻipú mita kon diugnea: Maon, Karmel, Zip, Yuta, Yizreel, Yokdeam, Zanoah, Kain, Gibea bo Timna.

TAWARIKH 1 2:9

Ki Hezron in kogadí kon adí ḷoḷaki taya toḷu: ki Yerahmeel, ki Ram bo ki Kaleb.