TAWARIKH 1 2:3 - Alkitab Singog In Mongondow Masa In Tanaa

^3-4 Adí ḷoḷaki i Yohuda in taya ḻima. Nongkon i buḷoinea inta ki Batsyua, bobay in Kanaan, pinononggadí in ki Er, ki Onan bo ki Sela; nongkon i buḷoinea inta ki Tamar, inta ki mototakanea tontaní, pinononggadídon in ki Peres bo ki Zerah. Ki Er ki adí guya-guyang i Yohuda tatua in totok in moraat, dá iḻimod i Tuhan in sia.

TAWARIKH 1 2:3 Referans Kwoze

PINOGIAPAN 26:19

Nongkon suku i Yohuda: Inanakan i Syela, i Peres, i Zerah, i Hezron bo i Hamul. Ki adí i Yohuda doyowa inta ki Er bo ki Onan, ain minatoi kon butá in Kanaan.

KINOBAḺIAN 46:12

Ki Yohuda; ki adínea mita: ki Syela ki Peres bo ki Zerah, yo ki adí mita i Yohuda ibanea, ki Er bo ki Onan in minatoi kon Kanaan. Ki adí mita i Peres in ki Hezron bo ki Hamul.

TAWARIKH 1 2:2

ki Dan, ki Yusup, ki Benyamin, ki Naptali, ki Gad, ki Asyer.

TAWARIKH 1 4:1

Noiduduimai naa in tongosilai nongkon buí i Yohuda: ki Peres, ki Hezron, ki Karmi, ki Hur bo ki Syobal.

TAWARIKH 1 4:21

Adí i Yohuda tobatú tangoinea in ki Sela. Noiduduimai naa in buínea: Ki Er inta noposindog in kotá in Lekha Ki Lada inta noposindog in kotá in Maresa Inanakan in mogogaboḷ kon ḷambung lenan kon kotá in Bet-Ashbea Ki Yokim Intau mita inta nogutun kon kotá in Kozeba Ki Yoas Ki Sarap inta nobuḷoi kon bobay mita in Moab bo kon singgai noiduduimai nobui kon Betlehem. Tangoi mita tatua in ginamá nongkon pais mita dungkuḷmai.