TAWARIKH 1 2:23 - Alkitab Singog In Mongondow Masa In Tanaa

²³ Táe dodatuan in Gesur bo Aram in nonaḷow kon 60 in ḻipú kon butá tatua noitakin doman in ḻipú mita in intau in Yair, ḻipú in Kenat, takin doman ḻipú mita inta mongointok kon diugneamai. Bayongan in intau inta nogutun kon tua in buí i Makhir ki amá i Gilead.

TAWARIKH 1 2:23 Referans Kwoze

YOSUA 13:30

Sigad mita in butá monia nodapot kon Mahanaim, noituot doman in bayongan in Basan – tuata in bayongan butá inta kinawasa i Og, datu in Basan, bo ḻipú mita in Yair kon Basan inta onom nopuḷú.

YOSUA 13:13

Táe intau in Gesur bo Maakha in diábí pinoguntun in intau Israel; mosia in nogutunpabí kon Israel.

ULANGAN 3:14

Yair nongkon suku Manasye nogamá kon bayongan wilayah Argob, inta nongkon Basan nodapot in pinosigadan Gesur bo Maakha. Sinangoiannea in ḻipú mita tatua pinodayan kon tangoinea tontaní, bo dapot in tanaa mako umuranpabí kinotaauan saḷaku ḻipú mita i Yair.)

KINOBAḺIAN 50:23

Sia in nokooḷat bo nokoontongpa kon i adí bo ompu i Epraim. Ná doman tua ki adí mita i Makhir, inta ki ompu i Manasye sinompianeapamai ná ki adínea tontaní.

TAWARIKH 1 2:22

bo ki Segub in kogadí kon adí ḷoḷaki tangoinea in ki Yair, inta 23 in ḻipúnea kon butá in Gilead.

TAWARIKH 1 2:24

Naonda in minatoi mako in ki Hezron, ki Kaleb ki adínea in notonibuḷoi i Eprat inta ki baḷú i amánea. Adí monia ḷoḷaki tangoinea in ki Asyur; sia tua inta noposindog in kotá Tekoa.