TAWARIKH 1 19:3 - Alkitab Singog In Mongondow Masa In Tanaa

³ itoi mita in butá tatua noguman kon i datu Hanun, “Dikabí in ki Tuang Datu morai kon ki Daud tua in nopotabá mangoi in totabánea tatua sin moibog in sia mohoromat kon i amá i Tuang Datu! Sia in nopotabá kon intau mita tatua namangoi nobaḻí toḻindap sin monaridi kon butá naton, sinbá koagowannea!”

TAWARIKH 1 19:3 Referans Kwoze

SAMUEL 1 29:9

Tubag i Akhis, “Kinotaauanmubí kon iko in inanggapkudon mosatia naonda bo malaekat i Allah. Táe tongguḷu totokan mita in tontara tatua ain nonatú kon singog kon iko in diábí motaau in dumudui moparang moyotakin nami.

SAMUEL 1 29:4

Táe sinumorú in tongguḷu totokan mita in Pilistin tatua kon i Akhis poḷat noguman kon inia, “Potabádon in intau mita tatua kon kotá inta ain inogoimu kon inia. Diábí motaau in sia in moparang moyotakin naton; dika-dika bo momangkangdon in sia kon inaton naonda in koyogot moparang. Sin tanaa in kasampatannea inta totok in mopia modondouḷug kon i datunea pongin moḻimod kon intau mita naton?

HAKIM MITA 18:2

Tuamai in mosia nomiḻí kon intau ḻima inta mongotorindog nongkon sigad in bayongan inanakan kon bonu in suku monia inta nogutun kon Zora bo Eshtaol, bodongka nobogoi in oaidan kon i monia ḻima tatua sin monaridi kon butá tatua. Dá nobuatdon in intau mita tatua, bo nodapotdon in mosia kon buḷud inta kon butá in Epraim. Kon tua in mosia nongandupa kon baḷoi i Mikha.

SAMUEL 2 10:3

Naonda in mosia nodapot kon Amon, itoi mita kon butá tatua in noguman kon i Datu Hanun, “Dikabí morai kon ki Daud tua in nopotabá mangoi in totabánea tatua sin moibog mohoromat kon i amá i Tuang! Sia tua in nopotabá mangoi in intaunea mita tatua sin mobaḻíbí toimata mita sin monaridi kon kotá tanaa, sinbá koagowandon.”

TAWARIKH 1 19:2

Bo nogumandon in ki Datu Daud, “Ki Nahas tua in yobayatku inta mosatia, dá mustibí doman natua in akuoi kon i Hanun, ki adínea.” Tuamai in ki Daud nopotabá in totabá minayá in butá in Amon sin noḻipoi kon i Hanun popisí in kinopatoian i amánea. Naonda in mosia noyaput kon Amon,

TAWARIKH 1 19:4

Ki Datu Hanun in nodomok kon totabá mita i Daud tatua, bo kinarugan in tampeng monia, bo nomongkó kon ḷambung monia kinodapot in kayang, bo pinotabá in mosia minayá.