TAWARIKH 1 18:11 - Alkitab Singog In Mongondow Masa In Tanaa

¹¹ Ki Datu Daud in noposumba in bayongan tombuinag tatua kon i Tuhan sin pakéon kon bonu in upacara ibada. Natua doman in inaidannea kon pakakat mita buḷawan bo saḷaka inta ain inagownea nongkon i Hadadezer bo bangusa mita inta sinaḷownea, tuata in bangusa Edom, Moab, Amon, Pilistin bo Amalek.

TAWARIKH 1 18:11 Referans Kwoze

MIKHA 4:13

Ki Tuhan in noguman, “Ei intau in Yerusalem, bayádon bo ritakaidon in musungmu mita! Baḻíon-Kubí moropot in moiko naonda bo sapi inta tungoinea uatoi bo konukunea in bitú. Moiko in morimumudbí kon mobayong in bangusa, bo kaoyúonan inta nouḻí monia kon pinogagowan in posumbabí monimu kon i-Nakó, ki Tuhan in dunia naa.”

TAWARIKH 2 5:1

Naonda in ki Datu Salomo nopaḷut noposindog in Baḷoi Tuhan tatua, sinagúnea kon bonu in ontag mita in baḷoi tatua in bayongan saḷaka, buḷawan, bo pakakat mita ibanea inta ain pinosumba i Daud ki amánea kon i Tuhan.

TAWARIKH 1 29:14

Akuoi bo rayatku tanaa in diábí mokopobogoi kon onu bo onu kon ini-Mu, sin bayongan in yagi-yagi tua Ikobí in nobogoi bo onu inta inogoi nami naa in Ikobí doman in kitogi.

TAWARIKH 1 26:20

Intau mita ibanea kon bonu in suku Lewi in inogoian oaidan moḷukad kon kapunyaan kon bonu in Baḷoi Tuhan bo kon gudang inta pinotagúan kon bayongan in oogoi kon i Allah.

TAWARIKH 1 22:14

Aka Baḷoi Tuhan tua, yo akuoi in noḷongasidon totok nosipun kon 3.400 noton in buḷawan bo noiḻiu kon 34.000 noton in saḷaka. Koḻikud intua oyúon in bitú bo uatoi inta diádon koiapan in kobayongnea. Kayu bo batu in sinadiaku domandon táe mustipa duganganmu.

DATU MITA 2 12:18

Dá ki Yoas in nokidia in doit potobut kon inia. Doit tatua in nouḻínea nongkon bayongan in sosumba inta koḻipod ain inogoi i Yoas tontaní kon i Tuhan bo i Yosapat, i Yoram bo i Ahazia, datu mita inta nomarenta noiuna kon inia. Bo nongkon bayongan doman buḷawan kon bonu in kas in Baḷoi Tuhan bo komaḻig in datu. Dá diá notuoi nonubu in ki Hazael kon Yerusalem.

DATU MITA IMITÁNEA 7:51

Naonda in ki Datu Salomo nopaḷut noposindog in Baḷoi Tuhan, sinagúnea kon bonu in gudang mita in baḷoi tatua in bayongan saḷaka, buḷawan, bo pakakat mita ibanea inta ain pinosumba i Daud ki amánea kon i Tuhan.

SAMUEL 1 30:20

Koḻikud intua ki Daud nogagow doman kon bayongan in domba bo bobiagon. Biag mita tatua dinia in intau i Daud kon muna, noitondí kon bayongan in barang inta inagow ibanea, bo noguman in mosia, “Naa in tonsilai kon i Daud!”

SAMUEL 1 30:13

Onda intua ki Daud noḻibó kon inia, “Ki ine in ki Tuangmu, bo nongkon onda in iko?” Tubag in adí tatua, “Akuoi intau in Mesir, ata in intau in Amalek. Akuoi in sinaḷáan i tuangku toḷudon nosinggai naa popisí in notakit in akuoi.

YOSUA 6:19

Bayongan in pakakat saḷaka, buḷawan, tambaga bo uatoi musti ogoi kon i Tuhan, bo musti tagúon kon bonu in tampat pototagúan kon kapunyaan i Tuhan.”

IḶUAIAN 35:5

Diadon in sosumba kon i Tuhan. Ki ine in moḻiai in ginanea, musti moposumba in buḷawan, saḷaka bo porunggu;

TAWARIKH 1 18:10

Dá nopotabá in sia kon i Yoram ki adínea ḷoḷaki sin mopoyaput in salam kon i Datu Daud bo mopotaau in singog saḷamat kon kinountungannea tatua, sin ki Hadadezer in mokakitdon in moparang i Tou. Ki Yoram in namangoi kon i Daud takin kodia-dia in tombuinag buḷawan, saḷaka bo bitú.

TAWARIKH 1 18:12

Ki Abisai (ki inánea in ki Zeruya) in nonaḷow bo noḻimod kon 18.000 in intau in Edom kon Ḷopá in Asin

YOSUA 6:24

Onda intua tontara in Israel nonurubdon kon bayongan kotá tatua takin bayongan in tombonunea, koḻikudbí in buḷawan, saḷaka, tambaga bo uatoi. Pakakat mita tatua ginamá monia bo dinia kon tampat pototagúan kon kapunyaan i Tuhan.