TAWARIKH 1 17:8 - Alkitab Singog In Mongondow Masa In Tanaa

⁸ Akuoi in notuḷungdon kon inimu kon ondakabí in bayáanmu, bo bayongan in musungmu iyompat-Ku kon dodai in iko noparang. Iko in baḻíon-Ku ponango-nangoian ná itoi mita inta totok in mongokawasa mita kon dunia.

TAWARIKH 1 17:8 Referans Kwoze

TAWARIKH 1 17:2

Ki Natan in notubag, “Pomiadon in bayongan inta nobaḻí niat i Tuang Datu sin ki Allah in notuḷungdon kon i Tuang Datu.”

SAMUEL 1 18:14

Umuran in sia mokoḷapat kon bayongan in oaidannea, sin ki Tuhan in notuḷung kon inia.

MAZMUR 75:7

Sin pohakiman in diábí mamangoi nongkon pomukaan andeka toyopan deemanbí doman nongkon utuan andeka toḷatan.

MAZMUR 71:21

Baḻíon-Mu in akuoi totok in horomaton, bo moḻipoi bui kon inakó.

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

SAMUEL 1 18:28

Natua in nobaḻí dá kinotaauandon i Saul kon ki Tuhan in noḷukadon bo kinotabi i Mikhal; adínea bobay.

KINOBAḺIAN 28:15

Toropdon, Akuoi in motuḷung bo mogoḻiung kon inimu, kon ondaka in bayáanmu, bo Akuoi in modia kon inimu mobui mangoi kon butámu tanaa. Akuoi in diábí monaḷámai kon inimu modapot in aidan-Kudon bayongan inta ain pinodandi-Ku kon inimu.”

LUKAS 1:52

Datu mita in dunia naa poponagon-Nea mita nongkon tampat pomomarentaan monia, táe intau mita inta moompá in dodia in poḷantudon-Nea.

MAZMUR 18:1

Kon i itoi in Koor. Mazmur i Daud, mogogundoi i Tuhan. Pinodondong kon i Tuhan kon tungkuḷ in ki Daud pinosaḷamat nongkon i Saul bo musungnea mita.

EZRA 4:20

Nokoimontan doman in datu mita inta motorindog nomarenta kon tua bo nongawasa kon sinangkup in propinsi Eprat Toyopan bo noigum kon pajak bo iba.

TAWARIKH 1 17:17

Noidapotbí in Iko nogaid noiḻiu kon tua, Iko in nomiadon kon dandi soaḷ buíku kon singgai moiduduimai. Nodapot in pinomia-Mudon in akuoi nobaḻí intau moḷoben.

SAMUEL 2 22:1

Naonda in ki Tuhan noposaḷamat kon i Daud nongkon i Saul bo nongkon musungnea ibanea, nopodondong in ki Daud in dondong tanaa kon i Tuhan: [

SAMUEL 2 8:8

Koḻikud intua nogamá doman in ki Daud kon bitú inta mobayong totok nongkon Betah bo Berotai, kotá mita inta koḻipod kinawasa i Hadadezer.

SAMUEL 2 8:6

Onda intua ki Daud noposindog in ḷoḷaigan mita in tontara kon bonu in butá monia, bo motoguondok in mosia bo moguboḻi kon pajak kon inia. Ki Tuhan in nopountung kon i Daud kon ondakabí in bayáannea poparangan.

SAMUEL 2 7:9

Sinakinan-Ku in iko kon ondakabí in binayáanmu, bo bayongan in musungmu aindon sinoko yompat-Ku kon dodai in iko noparang. Iko in baḻíon-Kudon ponango-nangoian ná itoi mita inta totok in moḷoben kon dunia.

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

TAWARIKH 1 17:7

Tuamai, Natan, potaaudon kon i Daud mogogundoi-Ku kon Akuoi, Tuhan Inta Mokawasa Totok in moguman kon inia, ‘Iko in ginamá-Kudon nongkon oaidanmu moḷukad kon domba kon rawang, bo binaḻí-Ku datu kon umat-Ku Israel.

TAWARIKH 1 17:9

Umat-Ku Israel in pinosadiaan-Kudon kon tampat inta mobaḻí butá monia sinbá mosia in mobiagdon mopia bo diádon tuyayowon bui. Pinangkoi kon kinoangoian monia kon butá tanaa, koḻipod, bo kon dodai in mosia diápa in datu, mosia in sinubu in intau mita inta moibog in aid motogat. Táe tua in diá bidon mobaḻí bui. Akuoi in modandi kon monaḷowbí kon bayongan in musungmu, bo Akuoi in mobogoibí in buí kon inimu.

TAWARIKH 1 14:17

Dá pinonango-nangoiandon in tangoi Daud kon bayongan tampat, bo binaḻídon i Tuhan in bayongan bangusa moondok kon i Daud.