TAWARIKH 1 17:26 - Alkitab Singog In Mongondow Masa In Tanaa

²⁶ Iko, Tuhan, in Allah, bo onu inta mopia tatua ain pinodandi-Mu kon inakó.

TAWARIKH 1 17:26 Referans Kwoze

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

TAWARIKH 1 17:25

Akuoi in nokopobarani nopoyaput in sambayang tanaa kon ini-Mu o Allah, sin Iko tontaní in nopotaaudon kon inakó kon ki adí bo ki ompuku namonag in baḻíon-Mu datu kon bangusa tanaa.

TAWARIKH 1 17:27

Tuamai, in poigumonku, barakataidon kaasí in buíku sinbá moidapot in mononoi mosia umuran mokorasa kon tabi-Mu. Sin, Iko in nomarakatdon kon umat-Mu, o Tuhan, dá mosia in umuranbí barakatan moidapot in mononoi.”