TAWARIKH 1 17:25 - Alkitab Singog In Mongondow Masa In Tanaa

²⁵ Akuoi in nokopobarani nopoyaput in sambayang tanaa kon ini-Mu o Allah, sin Iko tontaní in nopotaaudon kon inakó kon ki adí bo ki ompuku namonag in baḻíon-Mu datu kon bangusa tanaa.

TAWARIKH 1 17:25 Referans Kwoze

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

SAMUEL 1 9:15

Táe tosinggai noiuna kon tua ki Tuhan ain nobogoi in koyow kon i Samuel nanaa,

TAWARIKH 1 17:24

Kon ondaka in intau umuranbí mopoḷantud in tangoi-Mu bo moguman, ‘Tuhan Inta Totok Mokawasa, Sia tua in ki Allah in Israel.’ Umuranbí mononoi in intau tobatú nongkon buíku in momarentabí mobaḻí datu.

TAWARIKH 1 17:26

Iko, Tuhan, in Allah, bo onu inta mopia tatua ain pinodandi-Mu kon inakó.