TAWARIKH 1 17:2 - Alkitab Singog In Mongondow Masa In Tanaa

² Ki Natan in notubag, “Pomiadon in bayongan inta nobaḻí niat i Tuang Datu sin ki Allah in notuḷungdon kon i Tuang Datu.”

TAWARIKH 1 17:2 Referans Kwoze

KORINTUS 1 13:9

Sin pongotahuan bo komampuan naton mopoyaput in habar nongkon i Allah in diápabí totok nosompurna.

TAWARIKH 1 28:2

Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.

LUKAS 1:28

Malaekat tatua sinumuot kon baḷoi i Maria bo poḷat noguman nanaa, “Salam kon inimu inta binarakatan, ki Tuhan in koyota-yotakinmu.”

ZAKHARIA 8:23

Kon singgai mita tatua mopuḷú in intau ango-angoi in mamangoi kon intau in Yahudi tobatú bo moguman, ‘Kami in moibogbí doman in mopia ná moiko; sin dinongogdon nami kon ki Allah in nomarakat kon i monimu.’ ” Ki Tuhan Inta Totok in mokawasa ain nosingog.

MAZMUR 20:4

Igum mako kotoropan-Nea in bayongan inta pinosumbamu, bo moibog kon bayongan in kuruban payongonmu.

TAWARIKH 1 22:7

Guman i Daud kon i Salomo, “Adíku, noonggotdon in akuoi nokoiniat moposindog in baḷoi tobatú sin mohoromat kon i Tuhan Allahku.

SAMUEL 2 7:3

Tubag i Natan, “Aidaidon in bayongan inta i niat i Tuang datu, sin ki Tuhan in notuḷung kon i Tuang datu.”

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”

SAMUEL 1 10:7

Aka bayongan tua mobaḻí, yo aidaidon in onu inta inanggapmu mopia, sin ki Allah in kotaki-takinmu.

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.

DATU MITA IMITÁNEA 8:17

Noiduduimai kon tua ki Salomo in nosingog, “Ki amáku ki Daud ain nonomayá kon moposindog in baḷoi pososumbaan kon i Tuhan Allah in Israel.

TAWARIKH 1 17:1

Naonda in ki Datu nogutundon notantú kon komaḻignea, kon singgai tobatú sia nogoiní kon i Nabi Natan bo noguman, “Indoiai, akuoi naa in nogutun kon komaḻig inta pinomia nongkon kayu ḷokuyú in Libanon, bo Poti Dodandian i Tuhan in tongábí kon bonu in ḷoḷaigan!”

TAWARIKH 1 17:3

Táe kon doḷom tua ki Allah in noguman kon i Natan,