TAWARIKH 1 16:42 - Alkitab Singog In Mongondow Masa In Tanaa

⁴² Ki Heman bo ki Yedutum in mogirup doman kon torompet, simbal bo pakakat in musik ibanea inta pinogogitog sin monakin kon dondong mita dodayow. Intau mita in inanakan i Yedutun in pinoki ḷukadan in bonawang mita.

TAWARIKH 1 16:42 Referans Kwoze

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

TAWARIKH 2 7:6

Imang mita sinimindog kon tampat inta ain sinantú kon i monia; noyogintayow in intau in Lewi inta nodayow kon i Tuhan nomaké in pakakat mita in musik inta pinomia i Datu Daud, sindaḷan nopodondong in dondong “Tabi-Nea in mononoi!” Pinodudui kon onu inta pinoguman i Daud. Imang mita in nogirup kon torompet bo bayongan in rayat in simindog.

TAWARIKH 1 25:3

Ki adí ḷoḷaki i Yedutun inta taya onom: ki Gedalya, ki Zeri, ki Yesaya, ki Simei, ki Hasabya bo ki Matica. Kon bonu in tongganut i amá monia, mosia in mopotaau in koyow nongkon i Allah takin kokuti-kuti in musik kecapi, bo mosia in mopodondong in dondong dodayow bo sukur kon i Tuhan.

TAWARIKH 1 15:17

Nongkon sigad in motoḷuadí mita inta mododondong mosia in nomiḻí kon intau mita noiduduimai naa sin mopogogitog in simbal bitú: Heman adí i Yoël takin ginaḷumnea inta ki Asap adí i Berekhya, bo ki Etan adí i Kusaya nongkon inanakan i Merari. Tumakin kon i monia takin mopogogitog in kecapi inta koḷantudon in nadanea piniḻídon in intau mita in Lewi inta noiduduimai tanaa: ki Zakharia, ki Yaaziel, ki Semiramot, ki Yehiel, ki Uni, ki Eliab, ki Maaseya, bo ki Benaya. Mopogogitog in kecapi inta noompá in nadanea piniḻídon in intau mita in Lewi noiduduimai: ki Matica, ki Elipele, ki Mikneya, ki Azazya, bo doyowa in moḷoḷukad kon Baḷoi Tuhan, inta ki Obed-Edom bo ki Yeiel.