TAWARIKH 1 16:29 - Alkitab Singog In Mongondow Masa In Tanaa

²⁹ Dayowdon in tangoi-Nea inta momulia, bo diádon in kuruban kon bonu in baḷoi-Nea. Sumbadon in ki Tuhan takin mogiḷambung in ḷambung ibada!

TAWARIKH 1 16:29 Referans Kwoze

MAZMUR 100:4

Tuotdon mongin bonawang-Nea takin dondong sukur, kon bonu in dangkuḷon-Nea takin dodayow mita. Posukurdon kon i-Nia bo dayowondon in tangoi-Nea!

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

MAZMUR 96:9

Sumbadon in ki Tuhan takin mogiḷambung in ḷambung ibada! Kourotdon kon tayowon-Nea, ei bayongan in dunia!

MAZMUR 96:6

Sia in iḻibubí in koagungan bo kamuliaan, Baḷoi-Nea in nopuḻingbí in kawasa bo kogogaga.

MAZMUR 95:2

Koḻigai in kita mayá in tayowon-Nea takin dondong sukur, moronggiow kon i-Nia takin dondong dodayow.

MAZMUR 29:2

Dayowdon in tangoi i Tuhan inta momulia sumbadon in Sia takin mogiḷambung in ḷambung pooibada.

MAZMUR 72:15

Mobiagdon in ki Tuang datu! Igumon mako kon inia ogoian in sosumba buḷawan nongkon Arab. Igumon mako sia in sambayangan pomuḷoi mako bo umuran barakatan.

WAHYU 7:12

Mosia in nosingog nanaa: “Amin! Dinayo-dayowdon in ki Allah naton inta momulia bo mobijaksana. Sia patus motarima kon sukur mita bo horomat. Sia in mokawasa bo moropot modapot in kopaḷutannea! Amin.”

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

TAWARIKH 2 20:21

Naonda in noyosingog mako in rayat, ki datu nopotabá in mododondong mita nogiḷambung in ḷambung monia inta biasamai pakéon kon upacara mita inta ain sinantú kon agama. Mododondong mita tatua in mustibí mopipid takin ḷunganga in gina kon tayowon in pipidan in tontara sindaḷan modondong, “Dayowdon in ki Tuhan! Tabi-Nea in umuran mononoi!”

YEHEZKIEL 24:25

Ki Tuhan in noguman kon inakó, “Yo, intau ilo-ilow, gamáan-Kudon nongkon i monia in Baḷoi-Ku inta morigon tua, inta mokoyunggagá bo mokosanang kon gina monia, bo inta indoianmai monia bo bayáan monia kinooibogbí in gina. Bo gamáan-Kubí doman in ki adí mita monia.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

YEHEZKIEL 7:20

Dungkuḷmai mopia in gina monia kon permata monia inta mongogaga, táe popisí in pinakédon monia nomia kon berhala mita inta mokorongó, dá binaḻí i Tuhan in kapunyaan monia nobaḻí inta mokokoningkim.

SAMUEL 1 6:5

Dá moiko in musti momia popodayan kon bobentuḷ mita bo boyod inta koyogot in momogutú kon butá monimu. Aka natua dá moiko in mohoromat kon i Allah in Israel. Dika-dika bo mogogaidon in Sia mohukum kon i monimu, bo dewa mita takin butámu.

TAWARIKH 1 16:28

Dayowdon in ki Tuhan, ei umat intau! Dayowdon in koagungan bo ropot-Nea.

TAWARIKH 1 16:30

Kourotdon kon tayowon-Nea, ei bayongan in intau kon dunia! Butá in noroton diá kodandúan.

MAZMUR 29:1

Mazmur i Daud. Dayowdon in ki Tuhan ei mahaḷuk mita in soroga, dayowdon in kamuliaan bo kawasa-Nea.

MAZMUR 96:7

Dayowdon in ki Tuhan, ei umat intau, dayowdon in koḷoḷantud bo kororopot-Nea!

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.