TAWARIKH 1 14:16 - Alkitab Singog In Mongondow Masa In Tanaa

¹⁶ Ki Daud in nogaid kon onu inta pinarenta i Allah kon inia. Sia takin tontaranea mita in nomout noidapot in inumundok in tontara in Pilistin pinangkoi kon Gibeon nodapot in Gezer.

TAWARIKH 1 14:16 Referans Kwoze

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

KINOBAḺIAN 6:22

Ki Nuh in dinumudui poḷat nogaid kon bayongan inta pinoki aid i Allah kon inia.

YOHANES 2:5

Táe ki iná i Yesus in noguman kon simpaḷ mita kon pinonikaan tatua: “Aidaidon in onu in pokiaid-Nea kon i monimu.”

TAWARIKH 1 6:67

Sikhem, kotá pogogadopan kon buḷud in butá tatua, Gezer,

YOSUA 16:10

Táe suku Epraim diábí noguntun kon intau in Kanaan nongkon butá in Gezer. Tuamai nodapot kon tanaa mako intau in Kanaan nogutunpabí doman kon Gezer noyotakin in intau in Epraim, táe mosia pinakisa nogaid nobaḻí ata kon intau in Epraim.

SAMUEL 2 5:25

Inaidan i Daud onu in pinoki aid i Tuhan, bo kinountunanannea in intau in Pilistin nongkon Geba nodapot kon Gezer.

TAWARIKH 1 14:15

Aka kodongoganmu in singog inta naonda bo singog in sapatu in intau inta kon ḷuntung mita in kayu, dá bayádon poparang sin Akuoi in mayábí kon munamu sin monaḷow kon tontara in Pilistin.”

TAWARIKH 1 14:17

Dá pinonango-nangoiandon in tangoi Daud kon bayongan tampat, bo binaḻídon i Tuhan in bayongan bangusa moondok kon i Daud.

YESAYA 28:21

Ki Tuhan in simindogbí ná kon Buḷud in Perazim. Sia in moḷongasibí totok ná kon Ḷopá in Gibeon sin mopobayá in makusud-Nea, makusud inta mokoherang kon intau! Sia in moponiatabí in oaidan-Nea inta mokoherang.

TAWARIKH 1 20:4

Degá tongonumai nosinggai nongkon tua nobaḻídon bui in parang nonayow kon intau in Pilistin kon Gezer. Kon pinoparangan tobatú tatua ki Sibkhai intau in Husa noḻimod kon intau tuyá tobatú tangoinea in ki Sipai. Dá intau in Pilistin in sinaḷowdon.