TAWARIKH 1 10:1 - Alkitab Singog In Mongondow Masa In Tanaa

¹ Intau in Pilistin in noparang takin intau in Israel. Mosia in noparang kon buḷud in Gilboa. Nobarong in intau in Israel in minatoi kon tua bo ki agatnea noitakin doman in ki Datu Saul bo ki adínea mita ḷoḷaki in noḷagui.

TAWARIKH 1 10:1 Referans Kwoze

TAWARIKH 1 10:8

Nopoikoḷomai kon singgai kon dodai in intau in Pilistin namangoi sin mogagow kon mayat mita, nouḻídon monia in ki Saul bo ki adínea ḷoḷaki taya toḷu minatoidon kon buḷud in Gilboa.

SAMUEL 2 21:12

minayá in sia nogamá kon tuḷan mita i Saul bo i Yonatan nongkon intau mita inta nogutun kon kotá in Yabesh kon Gilead. (Intau mita tatua ain nonakow kon tuḷan mita tatua nongkon tanah lapang in kotá in Bet-San, tampat in intau in Pilistin nobambé kon mayat mita tatua naonda in nonaḷow kon i Saul kon Buḷud in Gilboa.)

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.

SAMUEL 2 1:6

Tubagnea, “Noikoḷatbí totok kon akuoi in kon Buḷud in Gilboa, bo nokoontong kon ki Saul in inumandoḷ kon pandongnea, bokaka kereta mita bo tontara in musung inta sinumakoi kon kabaḷo in dinimiugdon sin mongopung kon inia.

SAMUEL 1 28:4

Dá naonda in tontara in Pilistin noyosipun bo nononḷoḷaigan kon diug in kotá in Sunem, ki Saul nosipundon kon intau in Israel, bo nononḷoḷaigan in mosia kon Buḷud in Gilboa.

SAMUEL 1 28:1

Diá noonggot kon tua intau in Pilistin noposadiadon in tontaranea sin monubu kon Israel, bo ki Akhis in noguman kon i Daud, “Tantú kinomangaḻeanmu bidon kon iko takin intaumu mita in mustibí moparang moyotakinku.”

TAWARIKH 1 9:44

Ki Azel in kogadí kon adí ḷoḷaki onom: ki Azrikam, ki Bokhru, ki Ismael, ki Searya, ki Obaja bo ki Hanan.