SAMUEL 2 7:29 - Alkitab Singog In Mongondow Masa In Tanaa

²⁹ Tuamai, poigumonku, moibogdon momarakat kon buíku sinbá kinoouputbí in dunia naa mosia in umuran mokouma kon tabi-mu. O Tuhan Inta Totok in Moḷantud, bayongan intua aindon pinodandi-Mu, dá buíku in umuranbí barakatan-Mu kino ouput in dunia naa.”

SAMUEL 2 7:29 Referans Kwoze

TAWARIKH 1 17:27

Tuamai, in poigumonku, barakataidon kaasí in buíku sinbá moidapot in mononoi mosia umuran mokorasa kon tabi-Mu. Sin, Iko in nomarakatdon kon umat-Mu, o Tuhan, dá mosia in umuranbí barakatan moidapot in mononoi.”

SAMUEL 2 22:51

Ki Allah in nobogoi in kauntungan moḷoben kon datu inta dinuí-Nea, Sia in umuranbí motabi kon intau inta piniḻí-Nea, ki Daud bo buínea in umur mononoi.

SAMUEL 2 8:1

Noiduduimai kon tua ki Datu Daud nonubu bui kon intau in Pilistin. Sinaḷownea in mosia bo poḷat nogagow kon butá monia.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.