SAMUEL 2 7:25 - Alkitab Singog In Mongondow Masa In Tanaa

²⁵ Bo tanaa, o Tuhan Allah, moibog in Iko moginrigon kon dandi inta ain siningog-Mu soaḷ akuoi bo buíku kon kinoouputbí in dunia naa. Aka motaau dá aidaidon in onu inta ain pinodandi-Mu tatua.

SAMUEL 2 7:25 Referans Kwoze

MAZMUR 119:49

Toropdon in dandi-Mu kon mogogundoi-Mu tanaa, dandi inta mobogoi in kamang kon inakó.

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

KINOBAḺIAN 32:12

Toropdon kon ki Tuhan tontaní ain nodandi monompia kon inakó kotompiaan bo mobogoi kon inakó in buí mobarong. Diá tobatúmai in mokoiap sin kobayongnea naonda bo bungaion kon pintad.”

SAMUEL 2 7:24

Bangusa in Israel aindon binaḻí-Mu umat-Mu tontaní kinoouputbí in dunia, bo Iko o Tuhan, in nobaḻí Allah monia.

SAMUEL 2 7:26

Kon ondakabí in intau umuranbí mopoḷantud in tangoi-Mu bo moguman, ‘Ki Tuhan Inta Totok in Mokawasa in ki Allahbí in Israel.’ Dá kon kinoouputbí in dunia naa intau tobatú nongkon buíku in momarentabí mobaḻí datu kon bangusa tanaa.

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

MAZMUR 119:38

Popogonúdon totok kon mogogundoi-Mu naa in dandi-Mu, inta ogoi-Mu kon intau inta motoḷutui kon ini-Mu.

SAMUEL 1 1:23

Tubag i Elkana, “Mopia, aidaidon onu inta inanggapmu mopia; kon baḷoipa modapot in motompodon in wakutunea pongguatanmu kon i adí natonda. Bo igumon mako ki Tuhan in mopotuoi in dandimu mobaḻí moniata.” Dá, ki Hana kon baḷoipa nodapot in adí tatua ginuatdon kon teté.