SAMUEL 2 7:21 - Alkitab Singog In Mongondow Masa In Tanaa

²¹ Pinodoyon kon dandi-Mu bo pinodoyon kon ibog-Mu tontaní Iko ain nomia kon oaidan mita inta moḷoben tua sin motundú kon mogogundoi-Mu naa.

SAMUEL 2 7:21 Referans Kwoze

MAZMUR 115:1

Deemanbí kami, o Tuhan, deemanbí kami, táe tongábí Iko in musti dayowon, sin Iko in mosatia bo umuran motabi.

EPESUS 3:11

Tua in inaidan i Allah podudui in tomayá-Nea inta mononoi, inta inaidan-Nea pinongin i Kristus Yesus, Tuhan naton.

EPESUS 1:9

Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.

KORINTUS 1 1:1

Utat mita jamaat i Allah kon Korintus! Moiko inoinídon i Allah mobaḻí umat-Nea sin moiko kapunyaan i Kristus Yesus, moyotakin in bayongan intau nongkon ondakadon inta nosumba kon i Tuhan naton ki Yesus Kristus, ki Tuhan monia bo ki Tuhan naton doman. Akuoi ki Paulus, bo ki utat naton ki Sostenes, mopoigum mako sinbá ki Allah, Amá naton bo ki Tuhan Yesus Kristus in umuran mobogoi in barakat bo kobiagan motompia kon i monimu. Akuoi in nomais kon surat tanaa saḷakubí rasul i Kristus Yesus inta inoiní i Allah tontaní podudui in ibog-Nea.

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

MAZMUR 138:2

Tumungkud in akuoi tumayow kon Baḷoi-Mu inta motusi poḷat modayow kon tangoi-Mu, sin Iko in mosatia bo umuran motabi. Iko in mopounabí in dandi-Mu nongkon onu in pinoguman in intau soaḷ Iko.

LUKAS 10:21

Kon wakutu intua doman, noḷungangadon in gina i Yesus, sin kinawasa in Roho i Allah. Ki Yesus in nosingog nanaa, “Akuoi in mosukur kon ini-Mu Amá, Tuhan in ḷangit bo butá sin bayongan intua aindon binuni-Mu kon intau mita inta mopandoi bo mobijaksana, táe aindon pinoontong-Mu kon intau mita inta nongobodok. Tuabí in kinoibog i Amá.

LUKAS 1:72

Sin mopoontong in totabi-Nea kon i mogoguyang naton podudui in dandi-Nea. Sin dandi-Nea tua in umuranbí kinotoropan-Nea.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MATIUS 11:26

O, Amá, tuata in kinosanang-Mu.”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

TAWARIKH 1 17:19

Podudui kon ibog-Mu tontaní, bo kopontinganku Iko in nogaidon kon bayongan oaidan moḷoben tanaa takin diá binuni-buni.