SAMUEL 2 7:2 - Alkitab Singog In Mongondow Masa In Tanaa

² Dá nogumandon in ki datu kon i Nabi Natan, “Indoiai, akuoi in nogutun kon komaḻig inta pinomia nongkon kayu ḷokuyú in Libanon, bokaka Poti in Dodandian i Allah in tongábí sinagú kon bonu in ḷoḷaigan!”

SAMUEL 2 7:2 Referans Kwoze

SAMUEL 2 5:11

Ki Datu Hiram nongkon Tirus nopotabá in intaunea mita moḷoben namangoi kon i Daud, bo kayu mita ḷokuyú in Libanon bo mogogimok mita kon kayu takin intau mita inta motaau mopoyoguntuḷ mita in batu sin moposindog in komaḻig.

SAMUEL 2 12:1

Nopaḷut mako kon tua ki Tuhan in nopotabá kon i Nabi Natan minayá nokipodungkuḷ kon i Daud. Minayá in ki Natan kon inia bo noguman, “Oyúon in intau doyowa in nogutun kon kotá tobatú; Tobatú in nobiag nooyúon bo inta tobatú doman in nobiag nobogá.

OUMAN IN RASUL MITA 7:46

Ki Daud in totok kinosanang in gina i Allah nodapot nopoigum in sia sinbá ogoi-Nea moposindog in Baḷoi-Nea. Baḷoi i Allah inta sinumba i Yakub tatua.

YOHANES 2:17

Dá kinotoropandon in murí-Nea mita kon oyúon in pinais kon bonu in Buk Motusi nanaa: “Tabi-Ku kon Baḷoi-Mu, o Allah, tumaga-tagab in kon gina-Ku.”

HAGAI 1:4

“Ei umat-Ku, degá orasneadon kon inimu in mogutun kon baḷoi inta moropot bo motorindog, bokaka Baḷoi-Ku in apugpa doman mako?

TAWARIKH 1 29:29

Kinobiagan i Daud nongkon pinomangkoian noidapot kon imbuitnea ain pinais kon bonu in buk Nabi Samuel, Nabi Natan bo Nabi Gad.

TAWARIKH 1 16:1

Poti Dodandian tatua inukat kon bonu in ḷoḷaigan inta ain sinadia i Daud kon potagúan kon poti tatua. Bo noposumba in mosia kon i Allah in kuruban payongon bo kuruban dodamean.

MAZMUR 132:5

kon dodai in diápa moposadia in baḷoi kon i Allah i Yakub, pogogutunan i Tuhan Inta Totok in moropot.”

TAWARIKH 2 1:4

Táe Poti Dodandian i Tuhan in kon Yerusalem kon bonu in ḷoḷaigan inta pinosindog i Datu Daud sin potagúan kon Poti tatua kon dodai in pinampingnea nongkon Kiryat-Yearim.)

TAWARIKH 1 14:1

Ki Datu Hiram nongkon butá in Tirus nopotabá in intaunea mita namangoi kon i Daud, poḷat doman nokidia in kayu ḷokuyú in Libanon bo mogogimok mita kon kayu takin bas mita in batu sin moposindog in komaḻig.

SAMUEL 2 7:17

Bo pinotaau i Natan kon i Daud in bayongan inta pinoniata i Allah kon inia.

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

IḶUAIAN 40:21

Bo Poti tatua pinotuotneadon kon bonu in Ḷoḷaigan tatua bo binambéneadon in kaeng koḷubung kon tayowonnea, ná inta pinarenta i Tuhan kon inia.

SAMUEL 2 11:11

Tubag i Uria, “Tontara in Israel bo Yohuda mopotarudon in kobiagan monia kon parang bo Poti Dodandian i Tuhan kotaki-takin monia; ki Yoab itoi nami takin porwiranea mita in nononḷoḷaigan kon tampat popoparangan. Yo umpaka akuoi in tongá mobui kon baḷoi, bo mongaan monginum poḷat mosiug takin i buḷoiku? Popisí in nyawa i Tuang bo nyawaku, yo diábí pomiaanku intua!”

DATU MITA IMITÁNEA 1:22

Kon dodai in ki Batsyeba mongongumanpamai, ki Nabi Natan nodapotdon kon komaḻig.

DATU MITA IMITÁNEA 8:17

Noiduduimai kon tua ki Salomo in nosingog, “Ki amáku ki Daud ain nonomayá kon moposindog in baḷoi pososumbaan kon i Tuhan Allah in Israel.

TAWARIKH 1 22:7

Guman i Daud kon i Salomo, “Adíku, noonggotdon in akuoi nokoiniat moposindog in baḷoi tobatú sin mohoromat kon i Tuhan Allahku.

TAWARIKH 2 9:29

Ouman ibanea kon i Salomo nongkon pinomangkoian nodapot in imbuitnea in pinaisdon kon bonu in buk Ouman kinobiagan i Nabi Natan bo kon bonu in buk Pinopotaauan muna i Nabi Ahia intau in Silo, bo kon bonu in buk Wahyu i Nabi Ido, inta nomais doman kon ouman pinomarentaan i Yerobeam datu in Israel.

TAWARIKH 2 29:25

Podudui in topotundú mita inta inogoi i Tuhan kon i Daud pinongin i Nabi Gad, inta nogaid kon i datu bo pinongin i Nabi Natan, ki datu in nonampatdon kon intau mita in Lewi kon Baḷoi Tuhan sin mopogogitog in kecapi bo gambus,

DATU MITA IMITÁNEA 1:8

Táe ki Imang Zadok, ki Benaya adí i Yoyada, ki Nabi Natan, ki Simei, ki Rei bo moḷoḷukad kon i Datu Daud in doíbí kon i Adonia.

MAZMUR 132:2

Dikabí kaasí koḻiongan in sumbanea kon ini-Mu Tuhan, bo dandinea kon ini-Mu Inta Totok in moropot, Allah i Yakub.