SAMUEL 2 6:11 - Alkitab Singog In Mongondow Masa In Tanaa

¹¹ Poti Dodandian tatua in toḷu nobuḷan in kon tua, bo ki Tuhan in nomarakat kon i Obed-Edom takin motoḷuadínea.

SAMUEL 2 6:11 Referans Kwoze

KINOBAḺIAN 39:5

Mulai sia inogoian kawasa mogurus kon baḷoi bo bayongan in kapunyaannea, ki Tuhan nomarakatdon kon baḷoi intau bo bayongan kapunyaan intau in Mesir tatua sin oaid i Yusup, pinomayá inta kon baḷoi ande inta kon gobá.

KINOBAḺIAN 30:27

Ki Laban in noguman kon inia, “Indongogaipa muna: Kinoontongankudon kon ki Tuhan ain nomarakat kon inakó sin popisí in iko.

MALEAKHI 3:10

Diadon in mopuḷú noporosenmu komintan kon Baḷoi-Ku sinbá oyúon in kaanon mobayong totok kon tua. Tungkuḷaidon in Akuoi, dá ontongbí monimu kon Akuoi in momukat kon ḷoḻingkop mita in soroga bo mobogoi kon i monimu in bayongan inta mopia.

KINOBAḺIAN 39:23

Itoi in ponjara tatua diá bidon umuran moindoimai kon onu inta ain pinoki aidnea kon i Yusup, sin ki Tuhan notuḷung kon inia dapot in bayongan inta aidannea umuranbí mobaḻí motompia.

SAMUEL 2 6:10

Tuamai in doídon in sia modia kon Poti in Dodandian tatua mayá in Yerusalem, táe sinagúneadon kon baḷoi i Obed-Edom intau in Gat.

TAWARIKH 1 26:4

Noiduduimai sinundú in ki Obed-Edom. Sia in binarakatan i Allah pinongin nobogoi in adí ḷoḷaki waḷu inta pinais podudui in umur: ki Semaya, ki Yozabad, ki Yoah, ki Sakhar, ki Netaneel,